La Voz de la Verdad

Na Galipedia, a Wikipedia en galego.

La Voz de la Verdad foi un xornal editado en Lugo entre 1910 e 1937.

Historia e características[editar | editar a fonte]

Apareceu o 3 de outubro de 1910[1] co subtítulo de Diario católico con censura eclesiástica, que cambiou por Diario católico antiliberal, e logo polo de Diario católico y antiliberal. De tendencia católica, xorde por iniciativa das Damas de la Buena Prensa e co apoio de Acción Social Católica, organismo do que se fai portavoz.

En 1921 foi adquirido pola Editorial Católica Lucense e publicouse baixo censura eclesiástica. En 1930 mercárono particulares aída que posteriormente quedou como único propietario e directoi Luis Sánchez Arrieta.[2]. A maioría das novas que aparecen no xornal proceden da Agencia Católica de Prensa Asociada. Segue unha tradición antiliberal e tradicionalista e na II República acabou apoiando á CEDA. Foron os seus directores: Eugenio Zabala, Antonio Cedrón Grandas, Julio Pérez de Guerra, Ramón Robles Neira, Antonio Goyanes Pérez, Alfredo Lorenzo López, Jesús Cora Lira, Francisco Vázquez Saco, Luís Sánchez Arrieta, Fernando Pérez Barreiro e o derradeiro Xosé Trapero Pardo. Entre os seus redactores contouse Ramón Salgado Toimil.

Cesou a súa publicación o 15 de xaneiro de 1937 polas dificultades económicas derivadas da guerra civil.

Notas[editar | editar a fonte]

  1. Teijeira (1997); p. 113
  2. Teijeira (1997); p. 114

Véxase tamén[editar | editar a fonte]

Bibliografía[editar | editar a fonte]

  • Santos Gayoso, Enrique (1990). Historia de la Prensa Gallega 1800-1986. Sada: Edicións do Castro. ISBN 84-7492-489-8. 
  • Teijeira, Mari Paz; de la Torre, María (1997). A prensa en Lugo, dous séculos de historia. Lugo: Servicio de Pubilcaciones de la Diputación de Lugo. ISBN 84-8192-110-6.

Ligazóns externas[editar | editar a fonte]