José Águas

José Águas
José Águas
Información persoal
Nome	José Pinto de Carvalho Santos Águas
Nacemento	9 de novembro de 1930
Lugar de nacemento	Lobito
Falecemento	10 de decembro de 2000
Lugar de falecemento	Lisboa
Altura	181 centímetros
Posición	dianteiro
Carreira sénior
Selección nacional
Adestrador
1965–1966	Atlético CP
1966–1967	Marítimo
1967–1968	Atlético CP
1968–1970	Leixões
1970–1971	Oriental
1973–1974	Amora
Na rede
	Partidos e goles só en liga doméstica.; ; [ editar datos en Wikidata ]
	v; c; e;

José Pinto de Carvalho Santos Águas, coñecido simplemente como José Águas, nado en Luanda o 9 de novembro de 1930 e finado en Lisboa o 10 de decembro de 2000, foi un futbolista portugués que xogaba como dianteiro.

Militou durante 13 tempadas no Benfica, converténdose nun dos xogadores máis destacados da historia do club. É o segundo máximo goleador da súa historia, con 379 tantos en 384 partidos, só superado por Eusébio, co que coincidiu no equipo. As súas cifras en liga superan o gol por partido.^[1]^[2]^[3]

Capitaneou o Benfica na conquista de dúas Copas de Europa consecutivas, en 1961 e 1962, marcando o gol inicial do seu equipo en ambos partidos. Ademais gañou cinco ligas portuguesas e sete Copas de Portugal e foi cinco veces máximo goleador da liga.

Traxectoria[editar | editar a fonte]

Naceu en Luanda, na Angola Portuguesa, no seo dunha familia colonial portuguesa, sendo o cuarto fillo de Elisa de Conceiçao Pinto, natural do Porto, e de Raúl António Águas, de Lisboa.^[4] A familia vivía en Lobito, e alí comezou a súa carreira futbolística, xogando no Lusitano, no que xogaba tamén o seu irmán máis vello, Raúl. En 1950 foi fichado polo Benfica, club no que militou durante os seguintes 13 anos, converténdose nunha lenda.

Gañou cinco veces a Primeira Liga (1954/55, 1956/57, 1959/60, 1960/61 e 1962/63), sendo tamén cinco veces o máximo goleador da competición. Ademais gañou sete veces a Copa de Portugal. Con el como capitán, o Benfica consagrouse como o mellor equipo do continente, conquistando dúas Copas de Europa consecutivas. Na primeira delas, en 1961, derrotou na final por 3-2 ao FC Barcelona no Estadio Wankdorf de Berna, mentres que na seguinte tempada conquistou o título no Estadio Olímpico de Ámsterdam fronte ao Real Madrid (5-3). José Águas foi o autor do primeiro gol do seu equipo en ámbalas dúas finais.

Aos 33 anos deixou o Benfica e xogou unha última tempada no Austria Viena, antes de retirarse. Trala súa retirada adestrou varios equipos, entre eles o Marítimo e o Leixões. Morreu en Lisboa aos 70 anos de idade.^[5]

Selección portuguesa[editar | editar a fonte]

Foi internacional coa selección de Portugal en 25 ocasións, marcando 11 goles. Debutou o 23 de novembro de 1952, nun empate 1-1 contra Austria, mentres que o seu último partido foi o 17 de maio de 1962, nunha derrota por 1-2 contra Bélxica.

Vida persoal[editar | editar a fonte]

Casou en Lisboa con Maria Helena de Jesus Lopes, coa que tivo tres fillos. A súa filla máis vella, Lena d'Água, é unha célebre cantante, mentres que o seu único fillo varón, Rui Águas, foi tamén futbolista. Este xogou no Benfica, igual que seu pai, foi tamén máximo goleador da Primeira Liga, e internacional coa selección portuguesa.

Como xogador[editar | editar a fonte]

Benfica

Primeira Liga (5): 1954/55, 1956/57, 1959/60, 1960/61, 1962/63.
Copa de Portugal (7): 1950/51, 1951/52, 1952/53, 1954/55, 1956/57, 1958/59, 1961/62.
Copa de Europa (2): 1960/61, 1961/62.

Como adestrador[editar | editar a fonte]

Marítimo

División de Honra de Madeira (1): 1966/67.
Copa de Madeira (1): 1966/67.

Atlético CP

Segunda División (1): 1967/68.

Individual[editar | editar a fonte]

Bola de Prata da Primeira Liga (5): 1951/52, 1955/56, 1956/57, 1958/59, 1960/61.
Máximo goleador da Copa de Europa (1): 1960/61.
Máximo goleador da Copa de Portugal (4): 1950/51, 1952/53, 1954/55, 1957/58.

Notas[editar | editar a fonte]

↑ "Portugal - All-Time Topscorers". rsssf.com (en inglés). Consultado o 10 de marzo de 2022.
↑ Ferreira Dias, António. "José Águas: O Grande Capitão" (en portugués). Consultado o 10 de marzo de 2022.
↑ Gonçalves, Pedro (15 de xuño de 2015). "Melhores equipas de sempre: Benfica 1960-62". UEFA (en inglés). Consultado o 10 de marzo de 2022.
↑ d'Águas, Lena (2012). José Águas, o meu pai herói (en portugués). Leya. ISBN 978-98-95557-90-5.
↑ "José Águas morre aos 70 anos" (en portugués). 10 de decembro de 2000. Consultado o 10 de marzo de 2022.

Véxase tamén[editar | editar a fonte]

Ligazóns externas[editar | editar a fonte]

Datos do xogador en national-football-teams.com (en inglés)
Datos do xogador en eu-football.info (en inglés).
Datos do xogador en zerozero.pt (en portugués).

[1] "Portugal - All-Time Topscorers". rsssf.com (en inglés). Consultado o 10 de marzo de 2022.

[2] Ferreira Dias, António. "José Águas: O Grande Capitão" (en portugués). Consultado o 10 de marzo de 2022.

[3] Gonçalves, Pedro (15 de xuño de 2015). "Melhores equipas de sempre: Benfica 1960-62". UEFA (en inglés). Consultado o 10 de marzo de 2022.

[4] 'Águas, Lena (2012). José Águas, o meu pai herói (en portugués). Leya. ISBN 978-98-95557-90-5.

[5] "José Águas morre aos 70 anos" (en portugués). 10 de decembro de 2000. Consultado o 10 de marzo de 2022.

[1]

[2]

[3]

[4]

[5]