James Fenimore Cooper
James Fenimore Cooper | |
---|---|
Nacemento | 15 de setembro de 1789 e 1789 |
Lugar de nacemento | Burlington |
Falecemento | 14 de setembro de 1851 e 1851 |
Lugar de falecemento | Cooperstown |
Causa | cirrose hepática |
Soterrado | Christ Churchyard |
Nacionalidade | Estados Unidos de América |
Alma máter | Universidade Yale |
Ocupación | escritor, oficial, novelista, escritor de literatura infantil e biógrafo |
Pai | William Cooper (juiz) |
Cónxuxe | Susan Augusta Delancey |
Fillos | Susan Fenimore Cooper Scarsdale, Paul Fenimore Cooper e Charlotte Fenimore Cooper |
Coñecido por | O derradeiro dos mohicanos |
Na rede | |
| |
[ editar datos en Wikidata ] | |
James Fenimore Cooper, nado en Burlington (Nova Jersey) o 15 de setembro de 1789 e finado en Cooperstown (Estado de Nova York) o 14 de setembro de 1851, foi un popular e prolífico escritor norteamericano.
Traxectoria[editar | editar a fonte]
Particularmente recordado como novelista, Cooper escribiu 34 novelas de aventuras, moitas tratan o tema dos pioneiros.
O derradeiro dos mohicanos considérase por moitos como a súa obra mestra. Esta novela ten lugar na América colonial, durante a Guerra dos Sete Anos (1757-1763), que enfrontou a ingleses e franceses e supuxo a expulsión destes últimos de Norteamérica. Na guerra víronse involucradas as tribos indias locais. De feito, na novela, un grupo de indios huróns aliados dos franceses raptan a Cora e Alice Munro, fillas dun oficial británico. As rapazas serán rescatadas por Ollo-de-Aguia, un leñador branco e os seus compañeiros Chingachgook e Uncas, últimos superviventes da tribo dos mohicanos.
Cooper é un dos autores americanos máis famosos do dezanove, as súas obras traducíronse a case todas as linguas europeas. Balzac admirábao, Victor Hugo definíao como o máis grande do máis grande da novela moderna.
Traducións ao galego[editar | editar a fonte]
Na actualidade só está traducida ao galego a novela O derradeiro dos mohicanos, editada por Xerais en 1993, con tradución de Xela Arias.