Francisco Rodríguez Fernández

Na Galipedia, a Wikipedia en galego.

Francisco Rodríguez Fernández, nado en Palmés (Ourense), en 1954, é un político galego, alcalde de Ourense polo PSdeG-PSOE.

Traxectoria[editar | editar a fonte]

Profesor de formación profesional e sindicalista da UXT, afiliouse ao PSdeG e foi parlamentario no Parlamento de Galicia e concelleiro de educación na cidade de Ourense durante o mandato de Manuel Veiga Pombo (1983-1991). Apartouse posteriormente da primeira liña política, e dedicouse ao ensino, onde chegou a ser director do instituto de formación profesional do Carballiño, ata que accedeu en 1999 a un escano no Parlamento de Galicia en substitución de Santos Oujo Bello, e á concellería de cultura do Carballiño no goberno encabezado por Pachi Vázquez. posto que ocupou ata o 2002.

En 2003 presentouse á alcaldía de Ourense en cabeza da lista do PSdeG, e obtivo seis concelleiros con case o 20% dos sufraxios. O Partido Popular conservou a maioría absoluta, e Rodríguez continuou de voceiro municipal, ademais de ser elixido deputado provincial. O PSdeG escolleu para encabezar a lista nas eleccións municipais de 2007 o actor Abelardo Gabriel, pero a dimisión temperá deste levou a Rodríguez de novo a presidir a candidatura. Rodríguez converteuse en alcalde ao obter 8 concelleiros e case o 27% dos votos, grazas a un pacto co BNG.

Nas eleccións de 2011 presentouse de novo e ampliou a súa vantaxe, pasando a ter 11 concelleiros e o 37% dos votos, a un milleiro dos sufraxios colleitados polo Partido Popular.

En setembro de 2012 foi detido acusado de tráfico de influencias[1], por aceptar supostamente pagamentos persoais de parte dunha empresa en troca da concesión do servizo de recollida de lixo e de xestión do aparcadoiro nas rúas da cidade. A detención produciuse no marco da Operación Pokémon. Foi posto en liberdade baixo fianza de 6.000 euros. Nos días seguintes recibiu presións tanto do seu partido como do BNG, o seu socio de goberno, para que dimitise, mais non o fixo de forma inmediata, senón catro días despois de rematar oi interrogatorio xudicial.


Predecesor:
Enrique Nóvoa López
 Escudo de Ourense.svg
Alcalde de Ourense
 
2007 - 2012
Sucesor:
Marga Martín

Resultados electorais[editar | editar a fonte]

Estes son os resultados do PSdeG-PSOE nas derradeiras eleccións municipais con Francisco Rodríguez coma cabeza de lista.

Eleccións municipais de 2003

Partido Votos Porcentaxe Concelleiros
PPdeG 28.841 46,48% 14
PSdeG-PSOE 12.187 19,64% 6
BNG 15.165 24,44% 7

Eleccións municipais de 2007

Partido Votos Porcentaxe Concelleiros Diferenza
PPdeG 26.160 42,25% 13 -1
PSdeG-PSOE 16.428 26,53% 8 +2
BNG 12.253 19,79% 6 -1

Eleccións municipais de 2011

Partido Votos Porcentaxe Concelleiros Diferenza
PPdeG 21.564 37,84% 11 -2
PSdeG-PSOE 20.896 36,67% 11 +3
BNG 6.146 10,79% 3 -3
DO 4.529 7,95% 2 +2

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]