Leonardo Mármol Fernández

Para outras páxinas con títulos homónimos véxase: Leonardo Mármol.

Leonardo Mármol Fernández

Biografía
Nacemento	valor descoñecido Celanova, España
Morte	xullo de 1886 Oviedo, España
Datos persoais
País de nacionalidade	España
Actividade
Ocupación	funcionario , escritor
Lingua	Lingua castelá

Leonardo Mármol Fernández, nado en Celanova e finado en Oviedo en xullo de 1886, foi funcionario de facenda e poeta galego.

Traxectoria

Dedicatoria de Curros a Leonardo.

Emparentado cos Moreiras, unha das familias máis cultas da Celanova finisecular, Leonardo estudou as primeiras letras, canda Manuel Curros Enríquez, na escola primaria de Manuel Rebollo.

Curros dedicoulle o seu libro Paniagua y Compañía, Agencia de Sangre, publicado na Coruña en 1877 e menciónao, cando Mármol xa finara, no Canto IV de O divino sainete (1888).

Arranxou La Aurora de Galicia. Almanaque literario para 1879, editado na Coruña por Vicente Abad Torregrosa, con colaboracións de textos de Emilio Álvarez Giménez, Francisco Añón, Indalecio Armesto, Emilia Calé, Ricardo Caruncho, Luciano Cid Hermida, Curros Enríquez, Castor Elices, Ezequiel Fernández Miranda, Darío García Taboada, Salvador Golpe, José Millán Astray, José María Montes, Segundo Moreno Barcia, Jesús Muruais, Xoán Neira Cancela, Emilia Pardo Bazán, Juan Manuel Paz Novoa, Aureliano Pereira, Ramón Pérez Costales, Narcisa Pérez Reoyo, José María Posada, Luís Taboada, Teodosio Vesteiro Torres, Alfredo Vicenti e Benito Vicetto, ilustracións de Federico Guisasola y Lasala e Román Navarro e partituras de Pascual Veiga, entre outros.

Dirixiu El Danzante e colaborou en El Anunciador, La Tertulia e Galicia Literaria.

Couceiro (1952) dixo "quedan de él algunos versos que no sobrepasan la línea de lo mediocre".

Véxase tamén

Bibliografía

• AAVV (2004). Actas do I Congreso internacional "Curros Enríquez e o seu tempo" I. Consello da Cultura Galega. p. 287. ISBN 84-95415-88-7. 
• AAVV (2004). Actas do I Congreso internacional "Curros Enríquez e o seu tempo" II. Consello da Cultura Galega. pp. 155, 157, 158, 162, 207 e 593. ISBN 84-95415-79-8. 
• Couceiro Freijomil, Antonio (1952). Diccionario bio-bibliográfico de escritores (en castelán) II. Bibliófilos Gallegos. p. 377. 
• Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. pp. 230 e 461. ISBN 84-8288-137-X. 

Outros artigos

• Manuel Curros Enríquez

Ligazóns externas

• Limia de Gardón, Xabier (13/3/2008). "Sempre en Celanova". La Región. ISSN 1134-7953.