Partitura

Na Galipedia, a Wikipedia en galego.
Exemplo dunha partitura.

Partitura é un documento manuscrito ou impreso que indica como debe interpretarse unha composición musical, mediante unha linguaxe propia formado por signos musicais e chamado sistema de notación.[1][2] Como os seus análogos os libros, os folletos, etc., o medio da partitura xeralmente é o papel ou, en épocas anteriores, o pergamiño. Aínda que o acceso á notación musical nos últimos anos inclúe tamén a presentación en pantallas de ordenador.

En música orquestral, denomínase partitura ao documento que utiliza exclusivamente o director de orquestra e que contén toda a obra que se executará. En contraste, particella ou parte é o nome dado a cada unha das partituras que teñen os intérpretes dos diferentes instrumentos.[1][2]

Notas[editar | editar a fonte]

  1. 1,0 1,1 Pérez Gutiérrez, Mariano: Diccionario de la música y los músicos. Akal, 1985, vol. 3 p. 20.
  2. 2,0 2,1 Michels, Ulrich: Atlas de música. Alianza, 2009 [1985], vol. 1 pp. 68-69.