Der Rosenkavalier

Na Galipedia, a Wikipedia en galego.
Der Rosenkavalier
O cabaleiro da rosa
Robert Sterl Schuch dirigiert Rosenkavalier.jpg
Robert Sterl Schuch dirixindo unha representación de Der Rosenkavalier.
Forma Ópera
Actos e escenas 3 actos
Idioma orixinal do libreto Alemán
Libretista Hugo von Hofmannsthal
Estrea 26 de xaneiro de 1911
Teatro da estrea Semperoper
Lugar da estrea Dresden
Duración 4 horas
Música
Compositor Richard Strauss
Personaxes

María Teresa (soprano lírico-spinto)
Barón Ochs von Lerchenau (baixo)
Octavio, rapaz nobre (mezzosoprano ou soprano dramática)
Sofía (soprano lixeira ou lírica)
Herr von Faninal (barítono)
Marianne (soprano lírico-spinto)
Valzacchi (tenor lixeiro)
Annina (soprano lixeira)
O Comisario de policía (baixo)
O Mordomo da mariscala (tenor)
O Notario (baixo)
O Pousadeiro (tenor)
Un Cantante italiano (tenor lírico)
A Modista (soprano)
Un Vendedor de animais (tenor)
Músicos, perruqueiros, orfos, criados, camareiros, un paxe negro.[1]

Der Rosenkavalier (en galego, O cabaleiro da rosa) é unha ópera cómica en tres actos con música de Richard Strauss e libreto en alemán de Hugo von Hofmannsthal e o propio compositor. Tivo a súa estrea no Semperoper de Dresden o 26 de xaneiro de 1911 baixo a dirección de Ernest von Schuch e a dirección artística de Alfred Roller.

Logo de compoñer óperas como Salomé (1905) e Elektra (1909), onde asomaba a politonalidade, a atonalidade e o paroxismo expresionista, cun texto dramático influído polo vocabulario freudiano das paixóns humanas, Strauss comunicou a Von Hofmannsthal o seu desexo de compoñer unha ópera distinta, ao estilo da ópera mozartiana, lixeira, humorística e ambientada na sociedade do século XVIII (Le nozze di Figaro).

A diferenza das óperas anteriores, o libreto de Von Hofmannsthal é orixinal; é dicir, non está baseado en obras literarias existentes. No bosquexo inicial, os protagonistas ían ser o barón Ochs e Octavian. Porén, a medida que avanza a escritura da obra, a personaxe da Mariscala creceu e afirmouse a si mesma ata transformarse nun rol protagonista.

O título da ópera alude a un costume inexistente inventado por Von Hofmannsthal, que serve de escusa para o desenvolvemento argumental.

Personaxes[editar | editar a fonte]

Personaxe Tesitura Reparto na estrea, 26 de xaneiro de 1911
Director: Ernst von Schuch
Octavian (Conde de Rofrano, rapaz de 17 anos) mezzosoprano Eva von der Osten
A Mariscala (Princesa de Werdenberg, dona dun mariscal imperial) soprano Margarethe Siems
Barón Ochs von Lerchenau (curmán da Mariscala) baixo Karl Perron
Sophie von Faninal (Rapariga rica e casadeira) soprano Minnie Nast
Faninal (Rico burgués, pai de Sophie) barítono Karl Scheidemantel
Marianne Leitmetzerin (Doncela de Sophie) soprano Riza Eibenschütz
Annina (Intrigante ao servizo do Barón) contralto Erna Freund
Valzacchi (Compañeiro de Anninna) tenor Hans Rüdiger
Cantante italiano tenor Fritz Soot
Un notario baixo Ludwig Ermold
Un pousadeiro tenor Josef Pauli
Serventes, policías, camareiros etc.

Notas[editar | editar a fonte]

  1. Martín Triana, José María (1992). El libro de la ópera (en español) (2ª ed.). Alianza Editorial, S.A. p. 421. ISBN 84-206-0284-1. 

Véxase tamén[editar | editar a fonte]

Operalogo.svg
A Galipedia ten un portal sobre: