Semperoper
O Semperoper ou Sächsische Staatsoper Dresden (en galego Ópera Estatal Saxona de Dresde) é un teatro de ópera situado na cidade de Dresden (Alemaña). Trátase do edificio da ópera do estado de Saxonia e a sede da Sächsische Staatskapelle Dresden (Orquestra Estatal Saxona de Dresde). Está situado á beira do río Elba, en pleno centro da cidade alemá.
Foi orixinalmente construído en 1841 polo arquitecto Gotfried Semper e é considerado unha das xoias da arquitectura teatral mundial. Foi destruído durante o masivo Bombardeo de Dresden na Segunda Guerra Mundial en 1945, aínda que foi reconstituído ata o último detalle[1] e reaberto exactamente 40 anos despois da súa destrución, o 13 de febreiro de 1985, sendo reinaugurado coa mesma ópera que se representara antes de ser destruída, Der Freischütz de Carl Maria von Weber.
Neste teatro tiveron lugar as estreas de algunhas das máis importantes óperas alemás, incluíndo tres óperas de Richard Wagner (Rienzi, Der fliegende Holländer e Tannhäuser) e a meirande parte das de Richard Strauss.
Directores musicais[editar | editar a fonte]
No Semperoper actuaron destacados directores como:
- Johann Adolph Hasse
- Carl Maria von Weber
- Carl Gottlieb Reißiger
- Richard Wagner
- Ernst von Schuch
- Fritz Reiner 1914-1921
- Fritz Busch 1922-1933
- Karl Böhm 1934-1942
- Karl Elmendorff 1943-1944
- Joseph Keilberth 1945-1951
- Rudolf Kempe 1949-1952
- Otmar Suitner 1960-1964
- Kurt Sanderling 1964-1967
- Herbert Blomstedt 1975-1985
- Hans Vonk 1985-1990
- Giuseppe Sinopoli 1992-2001
- Semyon Bychkov 2001-2002
- Bernard Haitink 2002-2004
- Fabio Luisi 2004-2012
- Christian Thielemann dende 2012
Notas[editar | editar a fonte]
Véxase tamén[editar | editar a fonte]
 |
A Galipedia ten un portal sobre: Ópera |
 |
Commons ten máis contidos multimedia sobre: Semperoper |
Ligazóns externas[editar | editar a fonte]
- www.semperoper.de - Página oficial (en alemán).
- Semperoper Stadt-Panorama - Vista de 360º interactiva (en alemán).
|
|
