Saltar ao contido

David Mascato

Na Galipedia, a Wikipedia en galego.
Modelo:BiografíaDavid Mascato
Nome orixinalDavid Mascato García
Biografía
Nacemento13 de outubro de 1975 (49 anos)
O Grove, Pontevedra
País de nacionalidadeGalicia Galicia
EducaciónUniversidade de Vigo Editar o valor en Wikidata
Altura178 cm Editar o valor en Wikidata
Peso81 kg Editar o valor en Wikidata
Actividade
Ocupaciónpiragüista Editar o valor en Wikidata
Nacionalidade deportivaEspaña Editar o valor en Wikidata
DeportePiragüismo
Participou en
2004Xogos Olímpicos de 2004
2000Xogos Olímpicos de 2000 Editar o valor en Wikidata
Familia
CónxuxeTeresa Portela Editar o valor en Wikidata

David Mascato García, nado no Grove o 13 de outubro de 1975, é un fisioterapeuta e deportista galego retirado,[1] que competiu en piragüismo nas modalidades de augas tranquilas e maratón. Foi tres veces subcampión do mundo e disputou dous Xogos Olímpicos (Sydney 2000 e Atenas 2004), nos que conseguiu dous diplomas olímpicos.

Traxectoria

[editar | editar a fonte]

Comezou no piragüismo aos 11 anos, cando probou ese deporte no Club Breogán do Grove. Gustoulle e deixou os outros deportes que practicaba.[2] En 1993 foi campión do mundo júnior en Copenhague nos C1 1000 metros e subcampión en C2 1000 metros,[3] e en 1997 foi cuarto no C1 500m dos Xogos Mediterráneos celebrados en Bari.[4] Campionato Mundial de Piragüismo en Augas Tranquilas de 1994, en Cidade de México, onde finalizou en oitava posición na proba de C1 1000 metros.[5] Catro anos despois, no Mundial de Szeged, logrou un quinto posto no C2 1000 metros, formando parella co tamén grovense Alfredo Bea.[6]

Ao ano seguinte gañou a súa primeira medalla internacional, no Campionato de Europa de Piragüismo en Augas Tranquilas, celebrado en Zagreb, ao finalizar terceiro xunto a Bea no C2 500m, mentres que nos 1000 metros remataron quintos.[7] Tamén quintos chegaron á meta no C2 1000 do Mundial dese mesmo ano, en Milán, mentres que foron cuartos nos 500.[8]

No Europeo do ano 2000, en Poznan, participaron en tres distancias do C2 (200, 500 e 1000 metros) rematando en sétima, oitava e novena posición respectivamente.[9] Ese ano participou nos seus primeiros Xogos Olímpicos, en Sydney. Competiu xunto a Alfredo Bea no C2 nas distancias de 500 e 1000 metros, logrando un diploma na primeira delas, ao finalizaren en cuarto lugar, ás portas das medallas.[10]

En 2001 competiu en catro categorías no Europeo celebrado en Milán. Logrou dúas medallas xunto a Alfredo Bea: unha prata en C2 1000 e un bronce en C2 500. Ademais competiu nesas mesmas distancias no equipo de C4 formado por eles dous máis David Cal e José Manuel Crespo, finalizando en sétima e sexta posición.[11] No Mundial dese ano, en Polonia, volveu colgarse outra medalla, unha prata no C2 1000 metros.[12] Ao ano seguinte participou no Europeo en Szeged e no Mundial en Sevilla, sen lograr subir ao podio e obtendo tres quintos postos.[13]

En 2003 quedou cun sexto e un sétimo posto no Mundial de Gainesville, nos Estados Unidos. Ademais de en augas tranquilas, ese ano participou na modalidade de maratón, logrando xunto a Bea en Valladolid a medalla de prata no Campionato Mundial de Piragüismo en Maratón.[14] Ao ano seguinte participou nos seus segundos Xogos, en Atenas 2004. Rematou cun sétimo posto no C2 1000, mentres que nos 500 metros non logrou meterse na final.[15][16]

A súa seguinte medalla chegou en 2008, no Mundial de maratón celebrado na República Checa, onde gañou o bronce formando parella con Ángel Rivademar.[17] Ao ano seguinte, co mesmo compañeiro gañou a prata no Campionato Europeo de Piragüismo en Maratón, en Polonia, ao chegaren á meta segundos por detrás de Óscar Graña e Ramón Ferro.[18] Repetiron prata no Mundial dese ano en Portugal.[19] En 2010 competiu no Europeo de Augas Tranquilas celebrado na localidade asturiana de Trasona, no equipo de C4 formado por el, Tono Campos, Diego Romero e Damián Ramos. Finalizaron en sétimo lugar.[20]

Vida persoal

[editar | editar a fonte]

Diplomouse en Maxisterio en Educación física e obtivo o Grao en Fisioterapia da Universidade de Vigo.[3] Está casado coa piragüista Teresa Portela, seis veces olímpica e medallista en Toquio 2020, xunto á que rexenta unha clínica de fisioterapia no Grove.[21] Teñen unha filla, Naira, nada en 2014.[22]

Recoñecementos

[editar | editar a fonte]

En 2010 foi galardoado coa medalla de bronce da Real Orde do Mérito Deportivo.[23] En 2011 foi nomeado fillo predilecto do Grove.[24]

Palmarés internacional

[editar | editar a fonte]
Piragüismo en augas tranquilas
Campionato do Mundo
Ano Lugar Medalla Competición
2001 Poznan (Polonia Polonia) Medalla de prata Prata C2 1000 m
Campionato de Europa
Ano Lugar Medalla Competición
1999 Zagreb (Croacia Croacia) Medalla de bronce Bronce C2 500 m
2001 Milán (Italia Italia) Medalla de bronce Bronce C2 500 m
2001 Milán (Italia Italia) Medalla de prata Prata C2 1000 m
Piragüismo en maratón
Campionato do Mundo
Ano Lugar Medalla Competición
2003 Valladolid (España España) Medalla de prata Prata C2
2008 Týn nad Vltavou (República Checa República Checa) Medalla de bronce Bronce C2
2009 Crestuma (Portugal Portugal) Medalla de prata Prata C2
Campionato de Europa
Ano Lugar Medalla Competición
2009 Ostróda (Polonia Polonia) Medalla de prata Prata C2

Notas

[editar | editar a fonte]
  1. ↑ "Teresa Portela: el sprint olímpico de una "supermujer" olímpica". La Opinión Coruña (en castelán). 1 de agosto de 2016. Consultado o 18 de novembro de 2019. 
  2. ↑ "Padres y deportistas de élite". El País. Consultado o 18 de novembro de 2019. [Ligazón morta]
  3. ↑ 3,0 3,1 "Mascato & Portela". Consultado o 18 de novembro de 2019. 
  4. ↑ "Resultados de Bari 1997" (PDF). www.cijm.org (en inglés). Arquivado dende o orixinal (PDF) o 23 de xuño de 2014. Consultado o 18 de novembro de 2019. 
  5. ↑ "Resultados de Cidade de México 1994". CanoeResults (en inglés). Consultado o 18 de novembro de 2019. 
  6. ↑ "Resultados de Szeged 1998". CanoeResults (en inglés). Consultado o 18 de novembro de 2019. 
  7. ↑ "Resultados de Zagreb 1999". CanoeResults (en inglés). Consultado o 18 de novembro de 2019. 
  8. ↑ en. "Resultados de Milán 1999". CanoeResults. Consultado o 18 de novembro de 2019. 
  9. ↑ "Resultados de Poznan 2000". CanoeResults (en inglés). Consultado o 18 de novembro de 2019. 
  10. ↑ "Resultados de piragüismo en Sydney 2000" (PDF). www.canoeicf.com (en inglés). Consultado o 18 de novembro de 2019. 
  11. ↑ "Resultados de Milán 2001". CanoeResults (en inglés). Consultado o 18 de novembro de 2019. 
  12. ↑ "Resultados de Poznan 2001". CanoeResults (en inglés). Consultado o 18 de novembro de 2019. 
  13. ↑ "Resultados de Szeged 2002". CanoeResults (en inglés). Consultado o 18 de novembro de 2019. 
  14. ↑ "Resultados de Valladolid 2003" (PDF). CanoeICF (en inglés). Consultado o 18 de novembro de 2019. 
  15. ↑ "Resultados de piragüismo en Atenas 2004" (PDF). CanoeICF (en inglés). Consultado o 18 de novembro de 2019. 
  16. ↑ "El joven palista gallego David Cal, campeón olímpico de C-1 en 1.000 metros y medalla de plata en 500" (en castelán). 27 de agosto de 2004. Consultado o 18 de novembro de 2019. 
  17. ↑ "Resultados de Tyn nad Vltavou 2008" (PDF). CanoeICF. Consultado o 18 de novembro de 2019. 
  18. ↑ "Resultados de Ostróda 2009" (PDF). CanoeICF (en inglés). Consultado o 18 de novembro de 2019. 
  19. ↑ "Resultados de Gaia 2009" (PDF). CanoeICF (en inglés). Consultado o 18 de novembro de 2019. 
  20. ↑ "Resultados de Trasona 2010". CanoeResults (en inglés). Consultado o 18 de novembro de 2019. 
  21. ↑ "Teresa Portela, una vida en el Olimpo: "He aprendido a valorar los cuartos puestos"". Marca (en castelán). 1 de setembro de 2019. Consultado o 18 de novembro de 2019. 
  22. ↑ "Los piragüistas Teresa Portela y David Mascato ya son papás". La Voz de Galicia (en castelán). 29 de marzo de 2014. Consultado o 18 de novembro de 2019. 
  23. ↑ "David Mascato y Fredi Bea ingresan en la Real Orden del Mérito Deportivo". La Voz de Galicia (en castelán). 20 de maio de 2010. Consultado o 21 de novembro de 2019. 
  24. ↑ "La corporación acuerda nombrar hijo predilecto al piragüista olímpico Mascato". La Voz de Galicia (en castelán). 30 de marzo de 2011. Consultado o 21 de novembro de 2019. 

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=David_Mascato&oldid=6757037»