Federación Internacional de Piragüismo
| Deporte | Piragüismo |
|---|---|
| Nome | Federación Internacional de Piragüismo |
| Fundación | 1946 |
| Ámbito | Mundial |
| Sede |  Lausana |
| Socios | 165 |
| Presidente | José Perurena |
| Secretario | Simon Toulson |
| Na rede | |
| https://www.canoeicf.com/ | |
     | |
A Federación Internacional de Piragüismo (coñecida polas súas siglas en inglés, ICF, International Canoe Federation) é a entidade que se dedica a regular as normas do piragüismo a nivel competitivo, así como de celebrar periodicamente competicións e eventos en cada unha das súas disciplinas.
Ten a súa sede na cidade suíza de Lausana. Conta en 2016 coa afiliación de 165 federacións nacionais dos cinco continentes. O presidente é dende o ano 2008 o español José Perurena López.[1][2]
Historia[editar | editar a fonte]
Foi fundada o 19 de xaneiro de 1924 en Copenhague, baixo o nome de Representación Internacional de Piragüismo (en alemán Internationale Repräsentantenschaft Kanusport, IRK) polas federacións nacionais de Alemaña, Austria, Dinamarca e Suecia con sede en Múnic.
En 1946 cambióuselle a denominación pola actual e desde o 2006 ten a súa sede na cidade de Lausana.
Disciplinas[editar | editar a fonte]
A ICF recoñece oficialmente como disciplinas do piragüismo ás seguintes especialidades:
- Piragüismo en augas tranquilas
- Piragüismo en slálom
- Piragüismo en augas bravas
- Piragüismo en maratón
- Kaiak-polo
- Piragüismo de estilo libre
- Piragüismo en mar
- Regatas de barco-dragón
Eventos[editar | editar a fonte]
A ICF organiza anualmente diversas competicións internacionais en cada unha das súas disciplinas. Entre as máis importantes están as seguintes:
- Campionato Mundial de Piragüismo en Augas Tranquilas
- Campionato Mundial de Piragüismo en Augas Bravas
- Campionato Mundial de Piragüismo en Slálom
- Campionato Mundial de Piragüismo en Maratón
- Campionato Mundial de Piragüismo de Estilo Libre
Organización[editar | editar a fonte]
A estrutura xerárquica da federación está formada polo presidente e os vicepresidentes, o Congreso (que se celebra cada dous anos), o comité executivo, o Consello e once Comités Técnicos (un para cada disciplina máis un comité médico, un comité atlético e un comité deportivo).
Presidentes[editar | editar a fonte]
| Nº | Período | Nome | País |
|---|---|---|---|
| 1 | 1924 – 1925 e 1928 – 1932 |
Franz Reinicke |  Alemaña
|
| 2 | 1925 – 1928 | Paul Wulff |  Dinamarca
|
| 3 | 1932 – 1945 | Max W. Eckert | Alemaña
|
| 4 | 1946 – 1950 | Jonas Asschier |  Suecia
|
| 5 | 1950 – 1954 | Harald Jespersen | Dinamarca
|
| 6 | 1954 – 1960 | Karel Popel |  Checoslovaquia
|
| 7 | 1960 – 1980 | Charles de Coquereaumont |  Francia
|
| 8 | 1980 – 1998 | Sergio Orsi |  Italia
|
| 9 | 1998 – 2008 | Ulrich Feldhoff | Alemaña
|
| 10 | 2008 – | José Perurena López |  España
|
Organizacións continentais[editar | editar a fonte]
A ICF conta en 2016 coa afiliación de 165 federacións nacionais distribuídas en cinco organizacións continentais:
| Nome | Siglas | Sede | Nº de federacións |
Páx. web |
|---|---|---|---|---|
| Confederación Africana de Piragüismo | (CAC) | Pietermaritzburg,  Suráfrica |
36 | [1] |
| Confederación Panamericana de Piragüismo | (COPAC) | Miami,  Estados Unidos |
33 | [2] |
| Confederación Asiática de Piragüismo | (ACC) | Teherán,  Irán |
37 | [3] |
| Asociación Europea de Piragüismo | (ECA) | Zagreb,  Croacia |
46 | [4] |
| Federación de Piragüismo de Oceanía | (OCF) | — | 13 | [5] |
Federacións nacionais[editar | editar a fonte]
.svg){kind=small}
.svg){kind=small}
Notas[editar | editar a fonte]
- ↑ "ICF - National Federations". www.canoeicf.com (en inglés). Consultado o 11 de novembro de 2019.
- ↑ "Completion of a Successful ICF Congress in Rome" (en inglés). 30 de novembro de 2008. Arquivado dende o orixinal o 05 de decembro de 2008. Consultado o 11 de novembro de 2019.
Véxase tamén[editar | editar a fonte]
Ligazóns externas[editar | editar a fonte]
- Páxina oficial (en inglés)
