Daniel de la Torre
_Festival_de_cinema_de_Sitges_2018_(45129949522)_(cropped).jpg) (2018)  | |
| Biografía | |
|---|---|
| Nacemento | (es) Daniel de la Torre Alvaredo 1975 (49/50 anos)Monforte de Lemos, España |
| Actividade | |
| Ocupación | director de cinema, guionista, montador |
| Obra | |
Obras destacables
| |
| Premios | |
| |
    | |
Daniel de la Torre Alvaredo, coñecido como Dani de la Torre, nado en Monforte de Lemos en 1975[1], é un director, realizador e guionista galego.
Traxectoria
[editar | editar a fonte]Despois de estudar Imaxe e Son en Ourense, filmou diversas curtametraxes, como Minas (2004), Lobos (2004) e Bos días (2006). En 2010 dirixiu e coescribiu a miniserie de dous episodios Mar libre, interpretada por Miguel de Lira, Luis Zahera e José Ángel Ejido, entre outros.[2]
En 2015 dirixiu a súa primeira longametraxe, O descoñecido[3], cun guión de Alberto Marini e que contou coas interpretacións de Luís Tosar, Elvira Mínguez, Javier Gutiérrez e Goya Toledo, entre outros, que foi rodada na Coruña. O filme levou doce galardóns nos Premios Mestre Mateo 2015, incluídos mellor filme, mellor director e mellores actores e actrices protagonistas e secundarios.[4] Ademais gañou dous Premios Goya (mellor montaxe e mellor son) e tivo oito candidaturas, incluída a de mellor director novel para Dani de la Torre.[5]
En 2018 dirixiu a curtametraxe Álex y Julia, para Estrella Damm, con Michelle Jenner e Oriol Pla. Logo dirixiu o filme A sombra da lei, con guión de Patxi Amezcua e protagonizada de novo por Luís Tosar, xunto con Michelle Jenner, Vicente Romero e Manolo Solo entre outros. A película gañou tres Premios Goya (mellor fotografía, dirección artística e deseño de vestiario)[6] e dez Premios Mestre Mateo, incluído o de mellor película e o segundo premio ó mellor director para de la Torre.[7]
Filmografía
[editar | editar a fonte]Cine
[editar | editar a fonte]- O descoñecido (2015)
- A sombra da lei (2018)
- Live is Life. La gran aventura (2020). Director.
- Zeta (rodaxe en 2024).[8]
Televisión
[editar | editar a fonte]- Mar libre (2010).
- La Unidad (2020). Movistar+
- La Unidad Kabul (2023). Movistar+. Creada con Alberto Marini.
- Marbella (2023). Movistar+[9] Creada con Alberto Marini.
Curtametraxes
[editar | editar a fonte]- Minas (2004).
- Lobos (2004).
- Bos días (2006).
- Zeus & Apolo (2018)
- Álex y Julia (2018).
Notas
[editar | editar a fonte]- ↑ Ficha "Dani de la Torre" en AVG.
- ↑ "“Mar Libre” acada un novo premio á Mellor Serie de TV no Euro Filme Festival de Marbella". CRTVG. 10 de novembro de 2011. Consultado o 25 de outubro de 2019.
- ↑ Ficha da película en IMDb (en inglés).
- ↑ "“O Descoñecido” colleita doce premios Mestre Mateo". 25 de abril de 2016. Consultado o 25 de outubro de 2019.
- ↑ "Goyas para Coira y «El desconocido»". La Voz de Galicia (en castelán). 7 de febreiro de 2016. Consultado o 25 de outubro de 2019.
- ↑ "Luis Zahera y "La sombra de la ley" se traen cuatro premios Goya para Galicia". El Ideal Gallego (en castelán). 3 de febreiro de 2019. Consultado o 25 de outubro de 2019.
- ↑ "'A sombra da lei' triunfa nos Mestre Mateo con 10 premios". praza.gal. 3 de marzo de 2019. Consultado o 25 de outubro de 2019.
- ↑ Lugo, El Progreso de (2024-09-25). "Dani de la Torre rueda en Monforte 'Zeta' con Mario Casas como protagonista". El Progreso de Lugo. Consultado o 2024-09-25.
- ↑ "Marbella". movistarplus.es.
|
Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.
|
