Cuthred de Wessex

Na Galipedia, a Wikipedia en galego.
Saltar ata a navegación Saltar á procura

Cuthred (ou Cuþræd) foi rei de Wessex desde 740 (739 de acordo co historiador Simeón de Durham, ou 741 segundo Xoán de Worcester) até 756.

Traxectoria[editar | editar a fonte]

Sucedeu a Aethelheard de Wessex, quen se cre que era o seu irmán.

Cuthred herdou o reino cando Mercia acababa de alcanzar o seu apoxeo como o reino anglosaxón máis importante da época. Ambos os reinos a miúdo estaban en guerra, Aethelbald de Mercia converteuse en protector de Wessex e convenceu a Cuthred para loitar xuntos contra os galeses en 743.

Cuthred enfrontouse durante o seu reinado a varios problemas e episodios traumáticos. En 748, o fillo de Cuthred, Cynric foi asasinado nun motín. En 750 tivo que sufocar unha rebelión.

En 752, Cuthred rebelouse contra o rei de Mercia, Aethelbald na batalla de Edge, en Burford e asegurouse a independencia de Wessex durante todo o seu reinado. O ano seguinte tamén batallou sen un resultado claro contra o reino de Cornualles. Cuthred morreu en 756.

Véxase tamén[editar | editar a fonte]

Bibliografía[editar | editar a fonte]

  • Cuthred, King of Wessex1 (M)d. 756 en thepeerage.com