Aethelbald de Wessex

Na Galipedia, a Wikipedia en galego.
Saltar ata a navegación Saltar á busca
Aethelbald de Wessex
Aethelbald.jpg
Nacemento 831
  Wessex
Falecemento 20 de decembro de 860
  Wessex
Soterrado Sherborne Abbey
Nacionalidade Wessex
Etnia Saxóns
Ocupación monarca
Pai Aethelwulf de Wessex
Nai Osburga
Cónxuxe Judite de Flandres
Irmáns Aethelberht de Wessex, Aethelred I de Wessex, Aethelstan de Kent, Alfredo o Grande e Etelsvita
editar datos en Wikidata ]

Aethelbald de Wessex, nado en 834 e finado o 20 de decembro de 860, foi un rei de Wessex, na Inglaterra anglosaxoa.

Traxectoria[editar | editar a fonte]

Era o segundo dos fillos varóns -6 en total- de Aethelwulf, rei de Wessex e da súa primeira esposa, Osburga. A morte do seu irmán máis vello, Aethelstan de Kent (851) converteuno no herdeiro da coroa.

Partindo o seu pai en peregrinación a Roma xunto ao seu fillo menor Alfredo, aproveitou a súa ausencia á morte da súa nai (855) para destronalo e asumir o control de Wessex; pero volvendo o rei ao ano seguinte (856), logrou depor facilmente ao seu fillo e retomar o control do reino. Ao morrer o rei Aethelwulf o 13 de xaneiro de 858, Aethelbald sucedeuno no trono de Wessex. Aínda que criticara o matrimonio do seu pai coa filla do rei de Francia Carlos o Calvo, non dubidou en casar coa súa viúva, Judith de Francia (febreiro de 858). Desta unión naceu un fillo, Archibaldo o Mozo, pero o matrimonio considerouse incestuoso e escandalizou ao pobo de Wessex. Presionado polo bispo de Winchester, Aethelbald foi obrigado a separarse de Judith e finalmente o matrimonio foi anulado pouco antes da súa morte (860).

Destacouse no combate e foi ese carácter marcial o que lle valeu o recoñecemento da mocidade de Wessex, pero morreu sendo impopular o 20 de decembro de 860, aos 26 anos de idade, sendo sepultado na abadía de Sherborne, en Dorset.

Sucedeuno no trono o seu irmán Aethelberht de Wessex, quen xa era rei de Kent.