Abstinencia sexual

Na Galipedia, a Wikipedia en galego.
Os aneis de castidade son levados pola xuventude comprometida coa abstinencia sexual.[1]

A abstinencia sexual ou continencia sexual[2] é un comportamento que consiste en privarse dalgúns ou tódolos aspectos da actividade sexual por vontade propia (por razóns relixiosas, morais, filosóficas, anticonceptivas ou psicolóxicas), ou allea (por razóns médicas, legais, económicas ou sociais).

A abstinecia sexual acostuma a defenderse por algúns como un recurso preventivo contra a SIDA e outras doenzas de transmisión sexual, principalmente entre adolescentes. A súa adopción é preconizada por determinadas denominacións relixiosas que a consideran como unha virtude, estando ligada ao termo castidade.

O termo[editar | editar a fonte]

Os conceptos de abstinencia sexual, celibato e asexualidade son confundidos acotío pero teñen significados diferentes. A abstinencia sexual, tamén coñecida como continencia,[3] refírese a absterse de toda actividade sexual, a miúdo durante un período limitado de tempo.[4] O celibato é un comportamento motivado por factores como as crenzas persoais ou relixiosas dunha persoa. Para Gabrielle Brown, «a abstinencia é unha resposta ó exterior do que está pasando, e o celibato é unha resposta dende o interior».[5] De acordo con esta definición, o celibato é algo máis que non ter relacións sexuais. É máis intencional que a abstinencia e o seu obxectivo é o crecemento persoal. Esta perspectiva sobre o celibato é compartida por diversos autores, entre eles Elizabeth Abbott, Wendy Keller e Wendy Shalit.[6]

Método anticonceptivo[editar | editar a fonte]

A abstinencia sexual é o método máis efectivo contra os embarazos non desexados e a propagación das infeccións de transmisión sexual.[7] No 2004, a revista The Lancet publicou un artigo onde apostaba por educar ós rapaces de xeito que atrasasen as relacións sexuais como o xeito máis efectivo contra a propagación da SIDA tendo en conta que os preservativos diminúen o risco de infección pero nunca o eliminan. Chamou a esta estratexia para priorizar os elementos da loita contra a SIDA coas letras ABC, que en inglés son as iniciais de abstinencia, fidelidade e preservativo.[8] Dende ese intre, diversas administracións públicas o promoveron. Algúns estudos, conclúen que sería efectiva unha aposta máis decidida das administracións neste senso.[9] Un dos problemas cos que se atoparon os impulsores destas políticas é a dificultade de cambiar os comportamentos da xuventude.[10]

Notas[editar | editar a fonte]

  1. O'Brien, Jodi (2009). SAGE Publications, ed. Encyclopedia of Gender and Society. p. 155. ISBN 9781412909167. 
  2. Gran Enciclopèdia Catalana (ed.). "Continència". Enciclopedia.cat. Consultado o 24 de setembro de 2013. 
  3. Melody, John (1913). "Continence", Catholic Encyclopedia. Nova York: Robert Appleton Company. 
  4. Cardinal Roberti, H. E. (1962). Abstinence and Continence al Dictionary of Moral Theology. Londres: Burns & Oates Publishers of the Holy See. 
  5. Brown, Gabrielle (1989). The New Celibacy: A Journey to Love, Intimacy, and Good Health in a New Age. New York: McGraw-Hill. 
  6. Shalit, Wendy (2012). Retorno al pudor. Madrid: Rialp. ISBN 9788432139635. 
  7. Ruiz, Rebeca (27 de marzo de 2013). "Abstinencia sexual, una renuncia voluntaria". EFE Salud. Consultado o 24 de setembro de 2013. 
  8. Halperin, Steiner, Cassel, D.,M.,M. (2004). "The time has come for common ground on preventing sexual transmission of HIV". The Lancet: 1913–1915. 
  9. López del Burgo, Cristina (Decembro de 2008). "Prevención equitativa del sida" (PDF). AE Bioetica. Consultado o 24 de setembro de 2013. 
  10. "La abstinencia sexual no funciona entre los jóvenes". 20 minutos. 5 de xaneiro de 2009. Consultado o 24 de setembro de 2013. 

Véxase tamén[editar | editar a fonte]

Commons
Wikimedia Commons ten máis contidos multimedia na categoría: Abstinencia sexual Modificar a ligazón no Wikidata

Ligazóns externas[editar | editar a fonte]