Stadin Gimmat

Na Galipedia, a Wikipedia en galego.
Saltar ata a navegación Saltar á procura
Stadin Gimmat
HIFK Naiset
HIFK-Jääkiekko.svg
Fundación1982
Refundado: 2018
CidadeHelsinki.vaakuna.svg Helsinqui,
Uusimaa.vaakuna.svg Uusimaa
Finlandia Finlandia
EstadioMalmin jäähalli
(500 persoas)
LigaNaisten Liiga
AdestradorFinlandia Saara Niemi
Afiliado(s)HIFK Akatemia
CoresAzul, vermello e branco
                 
The uniform of the HIFK.png
Sitio web oficial

O Stadin Gimmat ou HIFK Naiset é un equipo feminino de hóckey sobre xeo da cidade de Helsinqui (Finlandia). Foi fundado en 1982, e refundado en 2018. Actualmente compite na Naisten Liiga, a máxima categoría do hóckey sobre xeo feminino finlandés. Xoga os seus partidos como local no Malmin jäähalli, un pavillón con capacidade para 500 persoas.

Os maiores éxitos do equipo ata 2021 foron tres medallas de bronce conseguidas en 1988, 1989 e 2021.

Historia[editar | editar a fonte]

Xogadoras de Stadin Gimmat na tempada 2021-22.

HIFK Naiset foi un dos equipos que participaron na tempada inaugural da máxima competición feminina de hóckey sobre xeo de Finlandia, a daquela denominada SM-sarja (renomeada Naisten Liiga en 2017). O HIFK Naiset orixinal descendeu por problemas financeiros en 1989 e non volveu poñer ningún equipo no xeo durante as décadas seguintes. O actual equipo foi fundado en 2018 e conseguiu o ascenso á Naisten Liiga dende a segunda categoría (a Naisten Mestis) na súa tempada debut, 2018–19.[1]

Nome[editar | editar a fonte]

O nome Stadin Gimmat significa literalmente Mulleres de Helsinqui ou Rapazas de Helsinqui. O nome emprega a lingua falada na capital finlandesa: Stadi é o nome de Helsinqui na fala local (o "n" final indica o xenitivo) e Gimma significa muller ou rapaza (engadindo o "t" forma o plural).[2][3]

Pavillón[editar | editar a fonte]

Artigo principal: Malmin jäähalli.
Esterior do Malmin jäähalli.

O Stadin Gimmat xoga os seus partidos como local no Malmin jäähalli.[4] A pista de xeo, inaugurada o 2 de marzo de 2006, está situada no distrito de Malmi e ten capacidade para 500 persoas.[5]

Palmarés[editar | editar a fonte]

Trofeos colectivos[editar | editar a fonte]

SM-sarja/Naisten liiga
  • 3 medallas de bronce como terceiro clasificado dos play-offs: 1988, 1989 e 2021

Notas[editar | editar a fonte]

  1. Kauhala, Hannu (26 de abril de 2018). "HIFK julkisti naisten joukkueen, aloittaa ensi kaudella Mestiksessä". Länsi-Suomi (en finés). Consultado o 11 de outubro de 2021. 
  2. "Stadi" (en finés). Urbaani Sanakirja. Consultado o 10 de outubro de 2021. 
  3. "Gimma" (en finés). Urbaani Sanakirja. Consultado o 10 de outubro de 2021. 
  4. "TURVALLISUUS JA LIPUNMYYNTI STADIN GIMMOJEN KOTIOTTELUISSA" (en finés). hifk.fi. 3 de setembro de 2020. Consultado o 10 de outubro de 2021. 
  5. "Malmin jäähalli" (en finés). okk.fi. Consultado o 11 de outubro de 2021. 

Véxase tamén[editar | editar a fonte]

Ligazóns externas[editar | editar a fonte]