Castro de Castrillón
Coordenadas: 43°34′34″N 8°11′45″O / 43.576111111111, -8.1958333333333
Castro de Castrillón | |
---|---|
Parroquia | Meirás |
Concello | Valdoviño |
Provincia | A Coruña |
Comunidade autónoma | Galicia |
Id. catálogo | GA15087002 |
Cronoloxía | |
Datas de ocupación | Descoñecida |
Data da descuberta | Descoñecida |
Períodos de escavación | Non escavado |
Estado actual | Parcialmente destruído. |
Extensión estimada | 0,8 ha. |
Véxase tamén | |
Castros de Galicia |
O Castro de Castrillón é un castro galaico ou galaico-romano de mediana extensión. Está na parroquia de Meirás, no concello de Valdoviño, na provincia da Coruña. Está situado a 300 metros da estrada AC-116, de Ferrol a Cedeira.[1]
A escasos 400 metros sitúase o campo de mámoas de Canteiros ou Cimadevila, que marca o linde entre as parroquias de San Vicente de Meirás (Valdoviño) e Santa María a Maior do Val (Narón).
Morfoloxía[editar | editar a fonte]
O castro mide de norte a sur 97 metros e de leste para oeste 83 metros, componse na actualidade dunha croa concéntrica que foi parcialmente deteriorada nos anos 90, e uns terrazos a xeito de antecastro de grandes dimensións en niveis inferiores. Así, o castro preséntase como un aterrazamento artificial de tres niveis. Un primeiro nivel cunha pendente natural moderada de 8 metros de altura, un segundo nivel formado dun terraplén de gran pendente e duns 5 metros de altura, e por fin unha croa elevada e concéntrica respecto ao perímetro dos niveis previos. Mantén unha localización estratéxica dentro do val que forma o río San Vicenzo ou San Vicente, e é na súa cara norte onde o castro presenta un maior artellamento defensivo.
Carece de estruturas domésticas visíbeis no seu interior, apenas os restos dun pequeno muro posterior de cachotería, e pequenos restos de murallas rectilíneas medio soterradas.
Durante décadas sufriu espolio tanto de pedra para material de construción, como de curiosos na procura de pezas de valor económico. Nel non se levou a cabo ningunha campaña arqueolóxica nin prospección legal. Nos anos 70 perdeu uns tres metros de altura por traballos feitos dentro da croa.
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- Catálogo plan básico autonómico Castro de Castrillón Xunta de Galicia
- Castro de Castrillón. Catálogo de Castros de Ferrolterra. (en castelán).
- Valdoviño. O Noso Patrimonio.
- ↑ "Catálogo plan básico autonómico Castro de Castrillón Xunta de galicia" (PDF). Arquivado dende o orixinal (PDF) o 19 de marzo de 2018. Consultado o 18 de marzo de 2018.