Castro dos Prados
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
| Castro dos Prados | ||||
|---|---|---|---|---|
 | ||||
| Tipo | xacemento arqueolóxico e castro  | |||
| Conservación | ? | |||
| Datas | ||||
| Ocupación | ? | |||
| Descuberta | ? | |||
| Escavación | 1987-1992 | |||
| Dimensións | ||||
| Superficie | 0,9 | |||
| Localización | ||||
| ||||
| Estado | España | |||
| Comunidade autónoma | Galicia | |||
| Provincia | provincia da Coruña | |||
| Concello | Ortigueira | |||
| Parroquia | Espasante | |||
| Altitude | 16 m | |||
| Patrimonio cultural | ||||
| Id. catálogo | GA15061002 | |||
| Contacto | ||||
| Redes |  | |||
| [ Wikidata ] | ||||
O Castro dos Prados ou Castro de Punta dos Prados é un poboado pertencente á cultura castrexa, un dos coñecidos como castros costeiros. Sitúase en Espasante (Ortigueira).
Descrición
[editar | editar a fonte]Ocupa unha das tres penínsulas que delimitan a rada da praia de Santo Antón de Espasante, estando moi próximos o Castro de Coroa de Ladrido e o Castro do Tallo de Ladrido e tamén unha vila romana. O único acceso por terra ao sitio arqueolóxico conta cun sistema defensivo composto de dous foxos intercalados por dúas murallas e un parapeto case desaparecido. Houbo varias intervencións arqueolóxicas, distribuídas en cinco campañas entre os anos 1987 a 1992.
O castro tivo dous momentos diferentes de ocupación, cunha posible cronoloxía do segundo momento arredor do século I a.c. momento que parece coincidir co do elemento mais importante atopado neste castro, o Monumento con Forno ou pedra fermosa ou formosa, do tipo de construcións hipoxeas atopadas nos grandes castros da zona portuguesa, e un dos poucos exemplos da zona galega xunto castro de Armeá en Allariz. A súa planta distribúese en Adro, Cámara, Antecámara e Forno, sendo a interpretación actual maioritaria que o seu uso era como balneario de vapor, e no cal a pedra fermosa, profusamente decorada e de aí o seu nome, constituía o sistema de acceso.
Durante as escavacións recuperouse numeroso material cerámico (indíxena, terra sigillata, anacos de ánforas...), muíños circulares, fusaiolas, alisadores, fibelas, fíbulas de traveseiro longo e un ás de bronce de época imperial (datado no 26 a.c.). Vinculados a estes restos óseos de gando vacún, ovicaprino e porcino, así coma cunchas de diferentes especies (ameixa, mexillón, berberecho, ostras...).
Galería de imaxes
[editar | editar a fonte]-
Foxo -
Monumento con Forno -
Outra vista do Monumento con Forno
Véxase tamén
[editar | editar a fonte] |
Wikimedia Commons ten máis contidos multimedia na categoría: Castro dos Prados |
 |
A Galipedia ten un portal sobre: Cultura castrexa |
Bibliografía
[editar | editar a fonte]- Ayán Vila, Xurxo; Otero Vilariño, Carlos (2003). "Plan director del castro de Punta dos Prados (Ortigueira, A Coruña)". TAPA: traballos de arqueoloxía e patrimonio (31): 1–71. ISSN 1579-5357.
- Armada Pita, Xosé Lois (2009). "Contextos y tecnologías de la orfebrería castreña: en torno a una nueva arracada de Punta dos Prados (Espasante, Ortigueira, A Coruña)". Complutum 20 (1): 83–108. ISSN 1131-6993.
- Ramil González, Emilio; Grandío Seoane, Emilio; Breixo Rodríguez, Xosé Carlos (1999). Historia de Ortigueira. A Coruña: Vía Láctea.
- Carballo Arceo, Xulio (2006). Arqueoloxía de Galicia. Itinerarios polo pasado. Vigo: Nigratrea.
