Laxe das Rodas

Na Galipedia, a Wikipedia en galego.

Coordenadas: 42°46′07″N 9°04′41″O / 42.7686, -9.078

Laxe das Rodas. Vista xeral.

A Laxe das Rodas é unha estación de arte rupestre ao pé do Outeiro de Eiroa, preto do lugar de Taxes da parroquia de Louro, en Muros.

Os gravados están feitos nun penedo de granito que sobresae pouco do terreo e constan de nove figuras, que inclúen dúas espirais e sete círculos concéntricos con coviñas grandes ou cazoletas no centro. A figura principal consiste nunha espiral que xira á dereita e outra menor que xira á esquerda; ambas as dúas teñen un suco radial que. Rodéanas 65 coviñas.

Outro grupo consta de tres círculos concéntricos arredor dunha coviña e arrodeados por 40 cazoletas, con seis máis fóra. Desde a coviña central parte unha liña que sae fóra do círculo exterior.

A Laxe das Rodas tense interpretado como almanaque laboral (as dúas espirais principais), mesa de ofrendas para propiciar as boas colleitas, conxunto de signos solares, a morte ou a fecundidade acuática e lunar.

Galería de imaxes[editar | editar a fonte]

Véxase tamén[editar | editar a fonte]

Bibliografía[editar | editar a fonte]

  • Alonso Romero, Fernando (1981). "El Calendario ritual del Laxe das Rodas (Louro, Muros)". Primera Reunión Gallega de Estudios Clásicos: 32–45. 
  • Alonso Romero, Fernando (1983). "Nuevas consideraciones sobre el significado del petroglifo de Laxe das Rodas (Muros, Galicia)". Zephyrus. Revista de prehistoria y arqueología. 36: 79–91.  (descarga do texto completo).
  • Barciela Garrido, Pilar; Rey Seara, Eusebio (2000). Xacementos arqueolóxicos de Galicia. Vigo: Edicións Xerais de Galicia. ISBN 84-8302-484-5. 
  • Carballo Arceo, Xulio (xullo de 2006). Arqueoloxía de Galicia. Itinerarios polo pasado. Nigra Trea. ISBN 84-95364-40-9.