Castro de Armeá

Na Galipedia, a Wikipedia en galego.
Saltar ata a navegación Saltar á busca

Coordenadas: 42°14′45″N 7°47′31″O / 42.24583, -7.79194

Castro de Armeá
Parroquia Augas Santas
Concello Allariz
Provincia Ourense
Comunidade autónoma Galicia
Id. catálogo GA32001001
Cronoloxía
Datas de ocupación Séculos IV-III a.C. - IV d.C.
Extensión estimada 1,4 ha.
Véxase tamén
Castros de Galicia

O castro de Armeá é un castro situado no lugar de Armeá, na parroquia de Augas Santas, pertencente ó concello ourensán de Allariz. A cronoloxía de ocupación do Castro é entre o século IV-III a.C e o século IV da nosa era.

Características[editar | editar a fonte]

Torso de guerreiro.JPG

O castro de Armeá foi declarado Monumento Histórico-Artístico en 1963. Actualmente ten a categoría de Ben de Interese Cultural (BIC).

Arqueoloxía[editar | editar a fonte]

Foi escavado por Conde Valvís. Atopáronse restos indíxenas e romanos, que están depositados na súa maioría no Museo Arqueolóxico Provincial de Ourense.

En 2018, na quinta campaña dirixida polo arqueólogo Adolfo Fernández na Atalaia, atopouse unha inscrición en dúas pedras co texto MAX.[1]

Contorna[editar | editar a fonte]

Próximo ao castro, e nunha carballeira, atópase o lugar coñecido polo nome de As Pías ou Baños de Santa Mariña, segundo Vicente Risco. Trátase de dúas pías labradas nun afloramento granítico situado a ras do chan que aparece rodeado perimetralmente por un muro de cachotería de un metro de altura e planta circular. A pía de maior tamaño ten forma rectangular e conserva un bo caudal de auga durante todo o ano. Á beira dun dos seus lados maiores disponse outra pía de menores dimensións. Na cabeceira da pía maior, así como nun lateral daquela, sitúanse dúas cazoletas circulares de tamaño desigual. Conde Valvís apuntou a posibilidade de que esta construción operase como prensa de aceite de oliva, unha hipótese que parece ser corroborada pola existencia dun pequeno orificio que une ambos recipientes.

Notas[editar | editar a fonte]

  1. "Finaliza a quinta campaña no castro de Armea revelando "unha auténtica cidade romana"". Cultura Galega. 18 de xullo de 2018. Consultado o 3 de agosto de 2018. 

Véxase tamén[editar | editar a fonte]

Outros artigos[editar | editar a fonte]

Bibliografía[editar | editar a fonte]

Ligazóns externas[editar | editar a fonte]