Castro das Croas

Na Galipedia, a Wikipedia en galego.
Saltar ata a navegación Saltar á procura

Coordenadas: 42°23′49″N 08°39′03″O / 42.39694, -8.65083

Castro das Croas
ParroquiaSalcedo
ConcelloPontevedra
ProvinciaPontevedra
Comunidade autónomaGaliza
Cronoloxía
Períodos de escavaciónescavado
Estado actualen escavación
Véxase tamén
Castros de Galiza

O castro das Croas é un poboado castrexo situado na parroquia de Salcedo, no concello de Pontevedra.

Descrición[editar | editar a fonte]

O castro ten planta circular, limitada cara ao norte por unha fonte pendente cara ao río Batán. Accédese polo lado sur desde unha rampla de construción moderna, a carón da cal hai un cruceiro sen cruz. Conserva un muro cun forte desnivel nos lados leste e noroeste, cun foxo de dous metros acoutado por baixo muro. O recinto interior está divido en dous espazos a diferentes niveis.

É un asentamento antigo, da idade de ferro. Hai un petróglifo no centro da croa superior, cunha laxe redondeada cunha cruz labrada, dúas coviñas e dúas grafías non identificables.

En 1866 José Casal Lois recolleu a lenda da moura do monte das Croas, publicada na obra Galicia de Manuel Murguía e en Las leyendas tradicionales de gallegas de Leandro Carré Alvarellos.

Escavacións e afectacións[editar | editar a fonte]

O castro está afectado cara ao oeste pola estrada PO-0012, e cara ao leste fixéronse recheos durante a construción da AP-9.

En 1993 o arqueólogo Antonio de la Peña Santos fixo varias prospeccións, descubríndose parte da muralla e dunha cabana. En agosto de 2014 iniciouse unha nova escavación, dirixida por Eduardo Méndez.

Véxase tamén[editar | editar a fonte]

Bibliografía[editar | editar a fonte]

  • De la Peña Santos, A. (2000): "Castro de As Croas (Salcedo, Pontevedra)". A Coruña: Brigantium: Boletín do Museo Arqueolóxico e Histórico da Coruña, ISSN 0211-318X, Nº 12, páxs. 153-160.

Outros artigos[editar | editar a fonte]

Ligazóns externas[editar | editar a fonte]