Bedivere

Bedivere
Como Sir Bedivere guinda a espada Excalibur á auga. Ilustración de Aubrey Beardsley, 1894.
Instancia de personaxe literario
Obra
Presente na obra Materia de Bretaña
Universo ficticio universo artúrico
Biografía
Sexo home
Actividade
Ocupación escritor
Membro de Cabaleiros da Táboa Redonda
Familia
Irmá/n Lucan
Identificadores Freebase /m/024g_h
Wikidata C:Commons

Sir Bedivere, tamén coñecido como Sir Bedevere, Bedwyr en galés ou Bédoier en francés, é un cabaleiro da Táboa Redonda e un personaxe recorrente nas lendas da Materia de Bretaña.

Bedivere é o cabaleiro que devolve a espada Excalibur á Dona do Lago de Llyn Ogwen. Tamén é un dos personaxes máis antigamente asociados con Artur, como Sir Kay e Sir Gauvain, cumprindo coa función de mariscal do rei.

En Historia Regum Britanniae, de Godofredo de Monmouth, Sir Bedivere aparece como un dos cabaleiros máis leais ó rei Artur, e esta posición mantense ó longo das distintas lendas artúricas. Tamén é un dos poucos superviventes da Batalla de Camlann, na que Artur fica mortalmente ferido. Trala batalla, o rei moribundo solicita a Sir Bedivere que devolva a espada guindándoa ó lago. Despois da morte do seu rei, Bedivere faise ermitán para o resto dos seus días.

Véxase tamén

Outros artigos

• Cabaleiros da Táboa Redonda
• Dona do Lago
• Rei Artur