Ayelet Shaked

Na Galipedia, a Wikipedia en galego.
Saltar ata a navegación Saltar á procura
Ayelet Shaked
Ayelet Shaked in 2015.png
Nome completoAyelet Ben-Shaul
Nacemento7 de maio de 1976
 Tel Aviv
NacionalidadeIsrael
Alma máterUniversidade de Tel Aviv
Ocupaciónpolítica, informática teórica e enxeñeira
editar datos en Wikidata ]

Ayelet Shaked (en hebreo: איילת שקד), nada en Tel Aviv o 7 de maio de 1976, é unha política, activista e enxeñeira informática israelí. É membro da Kennest para A Casa Xudía dende 2013, e Ministra de Xustiza dende 2015. Aínda que representa a un partido relixioso, Shaked identifícase como unha política secular, é a única muller secular no seu partido. Comezou a súa carreira na industria de alta tecnoloxía de Tel Aviv, traballando como enxeñeira en Texas Instruments.[1][2] En 2010, estabeleceu o movemento extraparlamentario "O meu Israel" con Naftali Bennett e dirixiuno até maio de 2012.

En 2015 incorporouse ao goberno presidido por Benjamin Netanyahu como ministra de Xustiza[3]. Nesta responsabilidade deu cobertura legal aos asentamentos de colonos xudeus nos territorios ocupados de Cisxordania[4]. Tamén foi polémica a lexislación que impulsou para obrigar ás organizacións non gobernamentais a facer públicas as doazóns recibidas no estranxeiro[5].

É considerada unha das lexisladoras máis activas e influentes de Israel, iniciou e redactou leis, ademais das devanditas, a lei integral contra o terrorismo, unha versión da proposta de lei básica sobre Israel como a nación-estado do pobo xudeu, así como unha lei que limita os poderes do Tribunal Supremo de Israel. En opinión de Haaretz, considerada como unha potencial futura primeira ministra, "está preparada para ser a política israelí máis exitosa de Israel dende Golda Meir"[6].

En 2019, estabeleceu o partido Nova Dereita xunto con Bennett. Mais, nas eleccións lexislativas de 2019 erran no seu obxectivo de acadar representación parlamentaria[7], mais na repetición electoral de xaneiro de 2020 consegue ser escollida dentro dos seis membros da Knesset do seu partido[8].

A crise política que Israel viviu entre 2019 e 2021 saldouse con catro repeticións electorais e bloqueos parlamentarios que impediron formar maiorías que sostiven un executivo. Finalmente, as forzas opositoras a Netanyahu, entre as que está a formación de Ayelet Shaked, logrou un pacto que incorporará ao goberno a unha coalición diversa de partidos (dende a extrema dereita ata representantes da minoría árabe) e que fará que o cargo de Primeiro Ministro rote entre Bennett e Yair Lapid, progresista. En xuño de 2021 foi nomeada ministra de Interior[9].

Notas[editar | editar a fonte]

  1. Talks with a Tel Aviv Settler Haaretz, 22.06.2012
  2. Meet the most surprising candidate of "Jewish Home" NRG 11/26/2012
  3. Rudoren, Jodi (2015-05-15). "Ayelet Shaked, Israel’s New Justice Minister, Shrugs Off Critics in Her Path". The New York Times (en inglés). ISSN 0362-4331. Consultado o 2021-06-14. 
  4. "Justice Minister: Remove legal ambiguity from settlements". Ynetnews (en inglés). 2015-07-21. Consultado o 2021-06-14. 
  5. "Israel passes law to force NGOs to reveal foreign funding". the Guardian (en inglés). 2016-07-12. Consultado o 2021-06-14. 
  6. "Who’s afraid of Ayelet Shaked? Meet the secular Jewish nationalist who could be Israel’s prime minister". Haaretz.com (en inglés). Consultado o 2021-06-14. 
  7. Magid, Jacob. "How did 2 of Israel’s most prominent ministers end up outside the 21st Knesset?". www.timesofisrael.com (en inglés). Consultado o 2021-06-14. 
  8. Wootliff, Raoul. "Elections Committee publishes final results, hands them to president". www.timesofisrael.com (en inglés). Consultado o 2021-06-14. 
  9. staff, T. O. I. "Who’s who in the Bennett-Lapid government". www.timesofisrael.com (en inglés). Consultado o 2021-06-14. 

Véxase tamén[editar | editar a fonte]

Ligazóns externas[editar | editar a fonte]