Augusto César Lendoiro

Augusto César Lendoiro

Biografía
Nacemento	(es) Augusto Joaquín César Lendoiro 6 de xuño de 1945 (78 anos) Corcubión, España
Cargos
Portavoz do grupo municipal do PPdeG na Coruña
Período	1991 – 1999
Sucesor	Antonio Erias Rey
Concelleiro na Corporación Municipal da Coruña
Período	1987 – 1999
Presidente da Deputación da Coruña
Período	1995 – 1999
Antecesor	Salvador Fernández Moreda
Sucesor	José Luis Torres Colomer
Senador das Cortes Xerais de España
Período	1989 – 1990
Presidente do Real Club Deportivo da Coruña
Período	24 de maio de 1988 – 21 de xaneiro de 2014
Antecesor	Luis Carlos Morato Miguel
Sucesor	Constantino Fernández Pico
Datos persoais
País de nacionalidade	España
Actividade
Ocupación	político , dirixente deportivo
Partido político	Partido Popular
Lingua	Lingua castelá
Lista Presidente da Deputación da Coruña 1995 – 1999 ← Salvador Fernández Moreda – José Luis Torres Colomer → Deputado no Congreso dos Deputados 28 de xuño de 1993 – 26 de setembro de 1995 – Hipólito Fariñas Sobrino → Lexislatura: V lexislatura de España Circunscrición electoral: Circunscrición electoral da Coruña Electo en: Eleccións Xerais 1993 en España

Escultura en Sada.

Joaquín Augusto César Lendoiro, nado en Corcubión o 6 de xuño de 1945, é un dirixente deportivo e político galego, presidente do Deportivo da Coruña entre 1988 e 2014.

Traxectoria

Ámbito deportivo

A súa relación co mundo do deporte comezou moi cedo. Cando tiña 15 anos xa foi presidente de Ural CF, un club de fútbol afeccionado da Coruña, e cofundou o Hockey Club Liceo da Coruña, co que gañou varios campionatos de España, de Europa e do Mundo.

Posteriormente foi presidente do Español de Santa Lucía, e en 1988 asumiu a presidencia do Deportivo da Coruña nun momento de fonda crise, tanto deportiva (co equipo coqueteando co descenso a Segunda División B) coma económica, cunha débeda próxima aos 500 millóns de pesetas. Nese ano o club salvou a categoría e iniciaría un ascenso deportivo que tería o seu momento cumio nos anos 2000.

Na temporada 1991-92 o Deportivo volvía á Primeira División, categoría na que se mantivo ininterrompidamente 20 anos consecutivos con Lendoiro como presidente. A súa presidencia, aínda que moi discutida por certos sectores, estivo chea de éxitos deportivos conseguindo non só os primeiros títulos do equipo: unha liga, dúas Copas do Rei, tres Supercopas de España e unha Copa Intertoto; senón tamén grandes actuacións na Liga de Campións da UEFA (chegando as semifinais nunha ocasión) e gozando do xogo dalgúns dos mellores xogadores do mundo (Bebeto, Mauro Silva, Rivaldo, Valerón).

Porén, a forte débeda acumulada polo club durante os seus máis de vinte anos de mandato, unido ás malas relacións cos poderes económicos e políticos da cidade da Coruña provocaron que houbera un forte sector crítico con Lendoiro que tentaba facer presión para que abandonara o seu posto.^{[Cómpre referencia]}

O 22 de decembro de 2013 os accionistas non aprobaron as contas presentadas por Lendoiro por primeira vez nos seus 25 anos de mandato. Dous días máis tarde anunciou que retiraba a súa candidatura ás eleccións da presidencia e o 21 de xaneiro de 2014 foi relevado no cargo por Tino Fernández.

En maio de 2014 foi nomeado embaixador da Liga de Fútbol Profesional polo seu presidente, Javier Tebas.

Política

Licenciado en Dereito, Lendoiro tamén se sentiu atraído pola actividade política compatibilizando durante moitos anos a xestión deportiva con diferentes cargos públicos e dentro do Partido Popular. En 1987 saíu elixido concelleiro da Coruña polo partido antes mencionado, foi senador (1989−1990), secretario xeral para o deporte da Xunta de Galicia, deputado no Congreso dos Deputados (1993−1995), candidato á alcaldía da Coruña en 1991 e 1995 e presidente da Deputación da Coruña (1995−1999). Na actualidade encóntrase retirado da vida política.

Véxase tamén

Outros artigos

• Lista de deputados galegos no Congreso desde a Transición
• Lista de senadores galegos desde a Transición