Attila

Attila Atila
Forma	Ópera
Actos e escenas	3 actos cun prólogo
Idioma orixinal do libreto	Italiano
Libretista	Solera e Piave
Fontes literarias	Zacharias Werner: Attila'
Estrea	17 de marzo de 1846
Teatro da estrea	La Fenice
Lugar da estrea	Venecia
Duración	110 minutos
Música
Compositor	Giuseppe Verdi
Personaxes
Atila (baixo) Aecio (barítono) Odabella (soprano) Foresto (tenor) Uldino (tenor) León I (baixo)

Attila é unha ópera nun prólogo e tres actos con música de Giuseppe Verdi e libreto en italiano de Temistocle Solera e Francesco Maria Piave, baseado na obra teatral Attila, König der Hunnen de Zacharias Werner. Foi estreada o 17 de marzo de 1846 no Gran Teatro La Fenice de Venecia.

Trátase dunha ópera composta na etapa verdiana "de galeras", urxente, rápida, xuvenil. É unha das caracterizadas por matices patrióticos e que deron fama a Verdi como compositor político. Ademais do tema patriótico, as personaxes teñen perfís psicolóxicos interesantes, coma o propio Atila, que é moito máis que un malvado ao uso.

Esta ópera represéntase pouco na actualidade, aparecendo nas estatísticas de Operabase no posto n.º 136 das óperas representadas no período 2005-2010, sendo a 46.ª en Italia e a décimo quinta de Verdi, con 23 representacións nese período.

Personaxes

Personaxe	Tesitura	Elenco na estrea, 17 de marzo de 1846 (Director: -)
Atila (rei dos hunos)	baixo	Ignacio Marini
Aecio (xeneral romano)	barítono	Natale Costantini
Odabella (filla do señor de Aquilea, prometida de Foresto)	soprano	Sofía Loewe
Foresto (cabaleiro de Aquilea)	tenor	Carlo Guasco
Uldino (xove bretón escravo de Atila)	tenor	Ettore Profili
León I (vello papa romano)	baixo	Giuseppe Romanelli
Capitáns, cabaleiros e soldados dos hunos, curas, xente de Aquilea, soldados romanos e povo de Roma.