Abu Simbel

Na Galipedia, a Wikipedia en galego.

Coordenadas: 22°20′13″N 31°37′32″E / 22.33694°N 31.62556°E / 22.33694; 31.62556

Patrimonio da Humanidade - UNESCO
Abu Simbel
Abu Simbel, Ramesses Temple, front, Egypt, Oct 2004.jpg
Templo de Ramsés
Flag of UNESCO.svg Información Flag of UNESCO.svg
Inscrición: 1979
País: Exipto
Localización: 22° 20' N 31° 37' E
Rexión: Non dispoñible
Tipo: Non dispoñible
Criterios: (i) (ii) (vi)
Descrición UNESCO: fr en

Abu Simbel, en árabe أبو سنبل (A Montaña Pura) é unha localidade de Exipto, preto da fronteira con Sudán, coñecida polo seu complexo arqueolóxico da época de Ramsés II, composto de dous templos hipoxeos construídos entre o 1240 a.C e 1120 a.C. para intimidar aos seus veciños nubios e para conmemorar a vitoria na batalla de Kadesh.

Historia e características[editar | editar a fonte]

Abu Simbel.jpg

O templo grande (Hwt Ramesses Meryamun) daba culto aos deuses Amón, Ra, Ptah e o propio Ramsés. A súa fachada está dominada por catro enormes estatuas do faraón sentado. Entre as pernas aparecen pequenas estatuas de membros da familia real: a raíña Nefretari, a muller de Seti I, Muttuya, o príncipe Amenhirkhopshef, a princesa Beketmut e a princesa Nebettawyby entre outros.

Na primeira entrada dentro do templo aparecen oito grandes estatuas do rei cos atributos de Osiris, catro en cada lado, servindo de piares para soportar o teito. Os muros están decorados con escenas do rei loitando contra dos hititas, nubios, sirios e libios. Na entrada norte, as paredes da sala hipóstila mostran escenas de Ramsés na presenza de Amón, ao que o faraón apelara na batalla de Kadesh.

O templo pequeno está dedicado a Hathor e a Nefertari, muller de Ramsés. Na fachada seis enormes figuras, catro de Ramsés e dúas de Nefertari, foron cortadas na rocha, xunto con pequenas figuras da familia real.

Entre 1964 e 1968 o complexo foi desmantelado e colocado nunha nova localicación (máis alta) para salvar os templos do encoro de Asuán, grazas á axuda da UNESCO.