Zodíaco
Na Galipedia, a wikipedia en galego.
O Zodíaco é unha banda de ceo por onde, aparentemente, transitan o Sol e os planetas. Durante o século V adC, esta rexión foi dividida en 12 partes iguais (unha por cada mes do ano), as cales deron o nome da constelación máis próxima (grupos que moi ben poderían existir antes da invención do Zodíaco propiamente). Estas constelacións tiñan un nome latino que derivou despois nos actuais cos cales están popularizadas. A constelación onde comezaba a lista era a de Aries, o carneiro, que comeza os seus días o 21 de marzo, o primeiro día do ano de moitos dos calendarios antigos. Disque unha persoa pertence a un signo do zodíaco porque o día no que nace está comprendido nun intervalo determinado pola transición do sol por un tramo determinado do zodíaco. Cómpre lembrar que unha cousa son as constelacións (concepto astronómico) e outra o signo zodiacal (concepto astrolóxico). As divisións (constelacións e signos) son as seguintes:
| símbolo | constelación | nome galego ([1]) | significado | comezo | final | elemento | nº mes |
|---|---|---|---|---|---|---|---|
 |
Aries | aries | carneiro | 21 de marzo | 20 de abril | Fogo | 03 |
 |
Taurus | tauro | touro | 21 de abril | 20 de maio | Terra | 04 |
 |
Gemini | xémini | xemelgos | 21 de maio | 21 de xuño | Ar | 05 |
 |
Cáncer | cáncer | cangrexo | 22 de xuño | 22 de xullo | auga | 06 |
 |
Leo | = | león | 23 de xullo | 22 de agosto | Fogo | 07 |
 |
Virgo | virgo | virxe | 23 de agosto | 22 de setembro | Terra | 08 |
 |
Libra | libra | balanza | 23 de setembro | 22 de outubro | Ar | 09 |
 |
Scorpius | = | escorpión | 23 de outubro | 21 de novembro | auga | 10 |
 |
Sagittarius | saxitario | arqueiro | 22 de novembro | 21 de decembro | Fogo | 11 |
 |
Capricornus | capricornio | cabra | 22 de decembro | 20 de xaneiro | Terra | 12 |
 |
Aquarius | acuario | augador | 21 de xaneiro | 19 de febreiro | Ar | 01 |
 |
Pisces | pisces | peixes | 20 de febreiro | 20 de marzo | auga | 02 |
As constelacións desta lista son consideradas as máis antigas, tendo unha importancia evidente na astroloxía (disciplina que antigamente se confundía coa astronomía). Hai que sinalar que, a esa lista de 12 constelacións, engadiuse, modernamente, unha décimo terceira: Ophiuchus, o serpentario. Actualmente, e astronomicamente falando, o Sol transita polos seus límites, segundo a UAI, do 30 de novembro ao 17 de decembro. Os antigos probablemente non tomaron isto en consideración (ou non o revelaron) por razóns estéticas ou astrolóxicas, ou simplemente para os creadores do primeiro Zodíaco non existía.
