Selección de rugby de Arxentina

Arxentina
Na casa Fóra
Unión	Unión Argentina de Rugby
Fundación:	1899
Emblema:	O Xaguar
Alcume:	Los Pumas
Estadio:	Estadio José Amalfitani, Bos Aires (49.540)
Adestrador:	Santiago Phelan e Fabián Turnes
Capitán:	Juan Martín Fernández Lobbe
Estrea internacional Arxentina 3:28 Lions 12 de xuño de 1910
Maior vitoria Paraguai 0:152 Arxentina 1 de maio de 2002
Maior derrota Nova Celandia 93:8 Arxentina 21 de xuño de 1997
Copa do Mundo de Rugby
Participacións	6 (primeira en 1987)
Mellor resultado	3 (2007)
PARA Pan American Championship
Participacións	5
Mellor resultado	1 (5 veces)

A Selección de rugby de Arxentina, máis coñecida como Los Pumas, é a selección nacional de rugby de Arxentina. Actualmente, a pesar de que a Unión Arxentina de Rugby non posúe unha liga profesional, situación que cambiará no 2009, ocupa o quinto posto no ranking mundial da IRB. Actualmente, segundo esa clasificación, é a mellor selección de rugby en todo o continente americano, gañando ate o momento en tódalas cinco edición disputadas do Campionato Panamericano de rugby e a integridade dos vinte e oito Campionatos Suramericanos que xogou excepto un en 1981, gañado por Uruguai.

Os Pumas disputaron até o mes de outubro de 2007 a suma de 279 partidos, dos cales gañaron 167, perderon 106 e empataron 6, o que arroxa un 59.86% de eficacia. Arxentina ostenta dúas marcas mundiais: son o equipo coa maior serie de vitorias consecutivas (20 entre 1960 e 1974) e posúen a maior marxe de puntos fronte a un rival (152 a 0 fronte a Paraguai o 1 de maio de 2002). Fronte ás nacións consideradas potencias deste deporte, Arxentina bateu a todas polo menos unha vez, coa excepción de Sudáfrica e Nova Celandia. O seu mellor resultado contra os All Blacks foi un empate obtido en 1985 en Bos Aires, no estadio de Ferro Carril Oeste.