Selección de rugby de Australia

Australia
Campión do Tri Nations
Na casa Fóra
Unión	Australian Rugby Union
Fundación:	1949
Emblema:	O Wallaby
Alcume:	Wallabies
Estadio:	Carece dun estadio principal
Adestrador:	Robbie Deans
Capitán:	Stirling Mortlock
Estrea internacional Nova Celandia 22:3 Australia 15 de agosto de 1903
Maior vitoria Australia 142:0 Namibia 23 de outubro de 2003
Maior derrota Sudáfrica 53:8 Australia 30 de agosto de 2008
Copa do Mundo de Rugby
Participacións	6 (primeira en 1987)
Mellor resultado	1 (1991, 1999)
Tri Nations
Participacións	13
Mellor resultado	1 (2 veces)

A Selección de rugby de Australia representa a Australia en rugby. O equipo é alcumado como os Wallabies e compite anualmente con Nova Celandia e Sudáfrica no torneo das Tres Nacións, no cal tamén compite pola Bledisloe Cup con Nova Celandia e pola Mandela Challenge Plate cos sudafricanos. Actualmente ocupa o terceiro posto no ranking mundial da IRB.

Australia ten competido en tódalas seis edicións que se levan disputado até o momento da Copa do Mundo de Rugby, sendo até o momento o equipo con máis éxito da competición, tras gañar o Campionato en dúas ocasións: en 1991 gañando a final contra Inglaterra e en 1999 contra Francia, chegando ademais á final en 2003, perdendo na prórroga contra os ingleses. O rugby en Australia está controlado pola Australian Rugby Union (ARU). Sete antigos Wallabies forman parte do Salón da Fama internacional do rugby (IRHOF), sendo un deles, John Eales, incluído IRB Hall of Fame.

Os símbolos

Equipamento

Equipamento

Os Wallabies xogan coas cores tradicionais tódolos equipos de Australia, verde e dourado. Antes que se utilizase esta camisola, o equipo xogaba coas cores do estado no que xogaban, ademais o escudo de armas australiano era replanzado polo logo do estado no xersei, toda esa variedade de cores foi utilizada nun gran número de encontros até aproximadamente o 1900.

En 1928 os corpos gobernantes acordaron que "as cores representativas de Australia verde e amarela, deben ser adoptadas". O ano seguinte os All Blacks foron a Australia, e o xersei que levaron foi verde esmeralda co escudo de Australia con medias con calcetíns verdes con barras na parte de arriba. Este mesmo xersei foi utilizado con pequenas variacións durante os anos 30. En 1961 na xira por Sudáfrica, para non confundir ás cores da súa camisola coas dos locais, cambiaron a cor das súas camisolas polo dourado, cor que permaneceu até hoxe en día.

O deseño de Canterbury para Australia da camisola no mundial de 2007 foi moi controvertido, xa que tiña unha franxas horizontais ao longo do peito que lembraban á forma dun sostén. Isto levou a un columnista especializado en rugby do Sydney Morning Herald a publicar unha satírica columna comparando a camisola co sostén para homes que ideara o personaxe de Kramer na serie americana Seinfeld.

En 2009, os Wallabies levarán unha nova camisola elaborada pola multinacional deportiva Nike. O xersei está actualmente en deseño, pero os informes iniciais suxiren que levará máis dourado que nas últimas camisolas e eliminará as franxas de cor verde.

O wallaby

Un Wallaby

O alcume "Wallabies" é en referencia a marsupial wallaby, que se atopa amplamente distribuído por toda Australia. O nome ten as súas orixes na primeira xira polo Reino Unido e América do Norte en 1908. Nova Celandia viña de rematar a súa xira e toda a prensa inglesa os chamaba "os All Blacks". Isto levou á prensa australiana a pensar que eles tamén deberían ter a súa propia nomeada. Os Rabbits (coellos) parece ser que foi un dos nomes suxeridos, aínda que foi amplamente rexeitado xa que non querían chamar ao seu equipo como unha praga importada. Finalmente optaron polo nativo wallaby no seu lugar, nome polo que se coñece actualmente á selección en todo o mundo.

Rexistros

Copa do Mundo de Rugby

Participacións de Nova Celandia na Copa do Mundo.

Edición	Organizador	Posto
1987	Nova Celandia e Australia	Cuarto
1991	Inglaterra	Campión
1995	Sudáfrica	1/4 Finalista
1999	País de Gales	Campión
2003	Australia	Segundo
2007	Francia	1/4 Finalista

Tres Nacións

	Australia	Nova Zelandia	Sudáfrica
Torneos	13	13	13
Vitorias	2	9	2
Partidos xogados	56	56	56
Gañados	23	39	21
Empatados	1	0	1
Perdidos	34	17	32

Rexistros de xogadores

Máis partidos coa selección

Stirling Mortlock

A seguinte listaxe recolle os rexistros máis notábeis de partidos xogados coa selección australiana. A lista inclúe xogadores dos últimos 25 anos, é preciso sinalar que unha clasificación por número de selección non depende só da calidade do xogador senón só do número de partido disputados internacionalmente. Co nacemento da copa do mundo en 1987 a periodicidade dos partidos variou de xeito destacábel. George Gregan é 139 o xogador con máis partidos internacionais de rugby do mundo de tódolos tempos. En negra xogadores que seguen en activo na selección de Australia.

1. George Gregan - 139
2. Stephen Larkham - 102
3. David Campese - 101
4. George Smith - 96
5. John Eales - 86
6. Joe Roff - 86

Máis ensaios

Australia

David Campese é o xogador que conseguiu máis ensaios coa selección de Australia, o xogador, hoxe retirado, ocupa o segundo posto na clasificación de número ensaios da historia coas súas seleccións nacionais, só superado polo xaponés Daisuke Ohata, con 67 ensaios.

1. David Campese - 64
2. Chris Latham - 40
3. Tim Horan - 30
4. Joe Roff - 30
5. Lote Tuqiri - 30
6. Matthew Burke - 29

Puntos

A marca de puntos marcados posúea Percy Montgomery con 893 puntos. Este xogador, xa retirado, ocupa o sexto posto na lista histórica internacional de puntos coa súa selección.

1. Michael Lynagh - 911
2. Matthew Burke - 878
3. Stirling Mortlock - 484
4. Matt Giteau - 409
5. David Campese - 363
6. Paul McLean - 260