Ródano

Na Galipedia, a Wikipedia en galego.
Este artigo trata sobre o departamento francés, para o río vexa río Ródano.
Rhône
Escudo de Ródano
Rexión Flag of Rhône-Alpes.svg Ródano-Alpes
Prefectura Lión
Presidente Danielle Chuzeville
Distritos 2
Cantóns 54
Municipios 293
Superficie 3.249 km²
Poboación (2004)
 - Total
 - Densidade

1.645.653 hab.
507 hab./km²
Rhône-Position.png
Localización de Ródano en Francia.

Ródano[1] (en francés: Rhône) é un departamento francés situado na rexión de Ródano-Alpes. Os habitantes do departamento reciben o xentilicio francés de rhodaniens.

Na división departamental de 1789, levada a cabo o 4 de marzo de 1790, incluíuse o departamento de Ródano e Loira. Este foi dividido o 12 de agosto de 1793 nos actuais departamentos de Ródano e Loira.

Limita polo norte con Saona e Loira, polo leste con Ain, polo sueste con Isère, polo oeste con Loira.

Historia[editar | editar a fonte]

O departamento naceu o 12 de agosto de 1793 cando o antigo département de Ródano e Loira foi subdividido en dous departamentos distintos.

Orixinalmente, o bordo oriental de Ródano era a cidade de Lyon, de forma tal que as comunas do leste de Lyon pertencían ao departamento veciño. Co crecemento de Lyon e o desenvolvemento da área urbana sobre as comunas suburbanas de Lyon, os límites do departamento foron considerados pouco prácticos, polo que, Ródano foi ampliado varias veces incorporando os suburbios de Lyon dos departamento veciños, incrementando a súa área de 2,791 km² a 3,249 km² (un 16.4%).

Demografía[editar | editar a fonte]

Evolución demográfica (poboación censada)
1801 1831 1841 1851 1856 1861 1866
299.390 434.980 500.831 574.745 625.991 662.493 678.648
1872 1876 1881 1886 1891 1896 1901
670.247 705.131 741.470 772.912 806.737 839.329 843.179
1906 1911 1921 1926 1931 1936 1946
858.907 915.581 956.566 993.915 1.046.028 1.028.379 918.866
1954 1962 1968 1975 1982 1990 1999
966.782 1.116.664 1.325.571 1.429.647 1.445.208 1.508.966 1.578.869

Notas:

  • O 2 de marzo de 1852, catro comunas de Isère pasaron a formar parte de Ródano.
  • O 31 de decembro de 1967, seis comunas de Ain (con 12.689 habitantes en 1962) e outras 23 de Isère (con 51.718 habitantes en 1962) incorporáronse a Ródano.
  • O municipio de Colombier-Saugnieu (812 habitantes en 1968) pasou de Isère a Ródano o 1 de abril de 1971.

Notas[editar | editar a fonte]

  1. A histórica rexión do "Rhône" denomínase en galego "Ródano". Ver Goretti Sanmartín Rei et al. Criterios para o uso da lingua. Servizo de Normalización Lingüística, Universidade da Coruña. p. 121. ISBN 84-9749-199-8. http://www.udc.es/publicaciones/documentos/biblioteca/CriteriosParaUsoDaLingua.pdf.

Ligazóns externas[editar | editar a fonte]