Conca fluvial

Na Galipedia, a wikipedia en galego.

Unha conca ou cunca fluvial ou conca ou cunca hidrográfica^[1] é unha porción de territorio drenada por un único sistema de carácter natural. Tamén se denomina bacía.

[editar] Formación e características

Unha conca hidrográfica defínese polo río que fai e vén delimitada pola liña dos cumes que arrodean o espazo. Conforme se avanza polo curso do río cara abaixo, a superficie da conca vai aumentando. En xeral acéptase que o divisor das augas subterráneas coincida co divisor das augas superficiais, se ben este feito non se verifica en todos os casos. A conca hidrográfica é a unidade xeralmente adoptada para estudos hidrolóxicos e, máis recentemente, a partir dos anos 70, para a planificación racional do uso dos recursos naturais.

As principais características dunha conca hidrográfica son:

• A curva cota (superficie): esta característica dá unha indicación do potencial hidroeléctrico da conca.
• O coeficiente de forma: dá indicacións preliminares da onda de avenida que é capaz de xerar.
• O coeficiente de ramificación: tamén da indicacións preliminares respecto o tipo de onda de avenida.

[editar] Notas