Roberto Nóvoa Santos

Na Galipedia, a wikipedia en galego.

(Redirixido dende Novoa Santos)

Roberto Nóvoa Santos (1885-1933) médico, escritor e político coruñés.

Catedrático de Patoloxía Xeral polas universidades de Santiago de Compostela e Madrid. Deu conferencias en Francia, Alemaña, Austria, Cuba, Arxentina e Uruguai. Foi deputado pola provincia de A Coruña nas cortes constituíntes de 1931.

[editar] Biografía

Logo de estudar medicina en Santiago de Compostela, comezou na docencia como profesor auxiliar de Patoloxía Xeral na Facultade de Medicina de Santiago. En 1911, foi a estudar Fisioloxía e Patoloxía a Francia, Austria e Alemaña, cunha bolsa da JAE. Nesta estadía publicou un total de seis traballos científicos. Á súa volta obtivo a cátedra de Patoloxía en Santiago.

Deixou máis de 200 traballos publicados. No seu haber está a fundación e a dirección de varias revistas de divulgación científica e a potenciación de foros médicos en Galicia.

Desenvolveu tamén un importante papel político, pois foi deputado na Deputación da Coruña durante a Ditadura de Primo de Rivera, e, posteriormente, deputado nas Cortes Constituíntes de 1931, representando á FRG na Coruña.

Pouco antes de morrer, Nóvoa foi a Arxentina, durante catro meses, a explicar un curso en 1932, formando parte da cúpula da JAE, como xa fixera anteriormente, en 1928 (Cuba).

[editar] Obras

La indigencia espiritual del sexo femenino, Valencia, 1908.
Alcance y sistematización de as cromorreacciones de los albuminoides (tesis doctoral), Madrid, 1911.
Manual de Patología General, Santiago de Compostela, 1916.
Sistema linfático y sistema nervioso vegetativo, Santiago, 1919.
Tratamiento de la diabetes mellitus, Ed. Calleja, Madrid, 1920.
El problema del Mundo Interior (discurso inaugural de curso 1920-21), Santiago de Compostela, 1920.
Physis y Psyquis, Santiago de Compostela, 1922.
Enfermedades de la nutrición, en el Tratado Iberoamericano de Medicina Interna. Madrid, 1923.
Estudios sobre la asimetría funcional del sistema nervioso, Santiago de Compostela, 1926.
El Instinto de la muerte, Morata, editor; Madrid, 1927.
La mujer, nuestro sexto sentido y otros esbozos, Biblioteca Nueva, Madrid, 1928.
Diabetes espuria y diabetes genuina, Morata, editor; Madrid, 1930
Cuerpo y espíritu, C.I.A.P., Madrid, 1930
La inmortalidad y los orígenes del sexo (Una inquisición biológica), Madrid, 1931.
Patografía de Santa Teresa y el Instinto de la Muerte, Madrid, 1932.
El advenimiento del hombre y otras conferencias, Madrid, 1933.