Nicho ecolóxico
 |
Artigo nos seus primeiros pasos. Este artigo relacionado coa bioloxía é, polo de agora, só un bosquexo. Traballa nel e contribúe a que a Galipedia mellore e medre. Existen igualmente outros artigos relacionados coa bioloxía que precisan de revisión e nos que posibelmente tamén poidas contribuír. |
O termo nicho ecolóxico describe a relación entre unha especie ou poboación concreta co espazo e a función que desempeña no ecosistema. Trátase dun concepto derivado dos estudos de competencia interespecífica que se poden albiscar dende os traballos pioneiros de Lotka, Volterra, Gause, etc.
Características [editar]
Refírese ao conxunto de características espaciais, tróficas, temporais etc. que definen a función dunha determinada especie no ecosistema. Non se debe confundir coa súa localización meramente espacial, senón que hai que entendelo como unha localización nun espazo n-dimensional que define o emprazamento ecolóxico de cada especie.
Inflúen no nicho ecolóxico tanto o ambiente no que os membros dunha especie poden sobrevivir ou reproducirse, como o clima, a flora, o aporte de comida ou se o medio é terrestre ou acuático. Cada especie depende destes trazos ambientais e cada nicho defínese como a rexión con todos eses trazos que é ocupada por unha especie determinada. Algúns destes trazos do nicho dunha especie coñécense como o seu hábitat.
Este concepto inclúe tanto a factores bióticos como abióticos que relacionan aos individuos co medio.
