Mamut

Na Galipedia, a Wikipedia en galego.
Mamut
Rango fósil: Plioceno - Holoceno
Mamut columbino no Page Museum, dos Ánxeles
Mamut columbino no Page Museum, dos Ánxeles
Estado de conservación
Status iucn3.1 EX gl.svg
Extinto
Clasificación científica
Reino: Animalia
Filo: Chordata
Clase: Mammalia
Orde: Proboscidea
Familia: Elephantidae
Xénero: Mammuthus
Especie tipo
Mammuthus primigenius'
(Blumenbach, 1799 [orixinalmente Elephas])
Especies
Sinonimia
  • Archidiskodon Pohling, 1888
  • Parelephas Osborn, 1924
  • Mammonteus
Мamut
Placa cun mamut gravado, procedente de Malta (Museo do Hermitage, san Petersburgo)

Mamut (do antigo ruso маммот, hoxe мамонт) é calquera das especies do extinto xénero Mammuthus, aínda que o mamut por excelencia é o mamut laúdo, Mammuthus primigenius, de cairos longos e curvados, e do que se chegaron a atopar varios exemplares sepultados no permafrost de Siberia.

Historia e características[editar | editar a fonte]

As especies máis setentrionais, posuían unha cuberta de cabelo longo que os protexía dos fríos glaciares. Habitaban as rexións setentrionais de Europa, Asia , América do Norte e de América Central.

Os corpos de mamuts conxelados no xeo xeralmente mostran un bo grao de conservación e mesmo se alimentaron os cans dos buscadores coa súa carne. Existiron propostas de clonación de exemplares acabados de desconxelar co obxectivo de revivir esta especie.

Ademais da carne conxelada, encontráronse grandes cantidades de marfil en Siberia que foi utilizado como artigo de comercio durante moitos séculos.

É un erro común asumir que os mamuts eran criaturas moito máis grandes cós elefantes modernos, un erro que levou a utilizar a palabra mamut como adxectivo para describir algo moi grande. A especie coñecida máis grande, o Mamut Imperial de California, alcanzaba a altura de polo menos 4 metros ata a cruz (a mesma que o elefante africano máis grande coñecido). Porén, a maioría das especies de mamuts eran do tamaño do elefante moderno da India, e atopáronse fósiles de mamuts ananos na illa de Wrangel, ó leste da costa de Siberia. Os mamuts desapareceron de Europa hai 12.000 anos e un milenio despois fixérono en América do Norte. Hai 10.000 extinguiuse en Siberia, quedando só a poboación anana de Wrangel, que persistiu até arredor do ano 2.000 a.C. ou mesmo menos.

Os mamuts diverxeron dos elefantes asiáticos trala división dos elefantes africanos, o que significa que os mamuts estaban máis emparentados co elefante asiático que este último co elefante africano. Dado que hai un caso de entrecruzamento exitoso entre un elefante asiático e un africano, especúlase que se os mamuts existisen na actualidade, poderían entrecruzarse cos elefantes asiáticos aínda máis facilmente e esta especulación levou á idea de recrear a esta especie tomando seme conxelado de mamut e usándoo para fecundar unha elefanta. Ulteriores cruzamentos irían eliminando os caracteres propios do elefante asiático ata chegar a un mamut totalmente "reconstruído". Porén, até o momento no se atopou seme suficientemente intacto como para iniciar o experimento.

Os científicos continúan debatendo se os mamuts se extinguiron por factores climáticos ou por unha matanza levada a cabo por humanos.

Véxase tamén[editar | editar a fonte]

Commons
Commons ten máis contidos multimedia na categoría: Mamut Modificar a ligazón no Wikidata
Wikispecies-logo.svg
Wikispecies posúe unha páxina sobre: Mamut

Bibliografía[editar | editar a fonte]

  • Lister, A.; Bahn, P.. Mammoths.
  • Versini, A.. Au temps des mammouths. ISBN 2-85653-567-4.
  • Joger, U.; Kamcke, C.. Mammut: Elefanten der Eiszeit. ISBN 3-938693-04-5.
  • Martin, P.. Twilight of the mammoths: Ice Age extinctions and the rewilding of America.
  • Capelli, C. et al.. A nuclear DNA phylogeny of the woolly mammoth (Mammuthus primigenius).
  • Levy, S.. Clashing with Titans.
  • Lister, A.; Bahn, P.. Mammoths: Giants of the Ice Age. ISBN 0-520-25319-1.

Ligazóns externas[editar | editar a fonte]