Juan Alberto Schiaffino

Na Galipedia, a Wikipedia en galego.

Juan Alberto Schiaffino, coñecido tamén como Pepe, nado en Montevideo o 26 de xullo de 1925 e falecido o 13 de decembro de 2002, foi un futbolista uruguaio.

Foi un dos mellores xogadores uruguaios, e tamén é tido por un dos mellores da historia. Destacaba pola súa facilidade para ve-lo fútbol e facer xogar ó propio equipo.

Schiaffino disputou dous Mundiais de Fútbol, en 1950 e 1954, sendo campión no primeiro, cando fixo historia no "Maracanazo".

A nivel de clube, triunfou en tódolos que xogou, entre eles o Peñarol onde foi campión de liga en 5 ocasións, o AC Milán onde gañou a Serie A 3 veces, e a AS Roma co que gañou unha Copa de Feiras en 1961.