Exército de Terra de España

Na Galipedia, a Wikipedia en galego.
Escudo do Exército de Terra.

O Exército de Terra é a rama terrestre das Forzas Armadas de España, un dos exércitos en actividade máis antigos do mundo (século XV). Ten o seu Cuartel Xeral no Palacio de Buenavista de Madrid, situado na céntrica Praza de Cibeles, fronte ao Banco de España. Actualmente o Exército de Terra de España conta con aproximadamente 135.000 efectivos.

Conxuntamente coa Armada e o Exército do Aire, ten asignado por medio do artigo oitavo da Constitución Española a misión de garantir a soberanía e independencia de España, defender a súa integridade territorial e o ordenamento constitucional.

Organización e estrutura[editar | editar a fonte]

Futura estrutura do Exército de Terra.

Actualmente as Forzas Armadas Españolas atópanse nun proceso de reestruturación. Con esta reestruturación preténdese adecuar a organización ao número de efectivos dispoñibles, concentrar as unidades nun número menor de emprazamentos, actualizar normas e procesos, reducir os niveis administrativos, suprimir estruturas redundantes e potenciar as capacidades das forzas mediante tecnoloxías avanzadas.[1]

Esta reorganización afectará a sesenta unidades, das cales trinta e tres serán disoltas e vinte e tres transformadas. Das disoltas, vinte e catro serán batallóns.[2]

Do mesmo xeito que a Armada e o Exército do Aire, o Exército de Terra está composto por:

  • O Cuartel Xeral: fórmao o conxunto de órganos que encadran os medios humanos e materiais necesarios para asistir ao xefe do Estado Maior no exercicio do mando sobre o seu exército.
  • A Forza: é o conxunto de recursos humanos e materiais que se agrupan e organizan co labor principal de prepararse para a realización das operacións militares.
  • O Apoio á forza: son aqueles órganos responsables da dirección, xestión, administración e control dos recursos humanos, materiais e financeiros, asignados ao Exército.

A Forza[editar | editar a fonte]

Cabo lexionario, 1946.

A nova organización da Forza ten unha estrutura máis simplificada, coas brigadas como elemento principal. Deste xeito soluciónase o problema da existencia de unidades que non contaban cun número suficiente de efectivos e medios. Esta organización é máis flexible, ten un único mando e potencia as unidades lixeiras con maior capacidade de mobilidade e proxección.

Entrada do Cuartel Xeral do Exército, en Madrid.

A Forza está formada polas seguintes unidades:[3]

O Apoio á forza[editar | editar a fonte]

O Apoio á forza do Exército está composto por:

  • Mando de Apoio Loxístico do Exército
  • Mando de Persoal
  • Mando de Adestramento e Doutrina
  • Inspección Xeral do Exército
  • Dirección de Asuntos Económicos

Corpos do Exército[editar | editar a fonte]

O persoal do Exército distribúese en catro corpos:

  • Corpo Xeral das Armas (CGA)
  • Corpo de Intendencia (CINT)
  • Corpo de Enxeñeiros Politécnicos (CIP)
  • Corpos de Especialistas (CE)

O Corpo Xeral das Armas divídese en especialidades fundamentais:

  • Infantería
  • Cabalería
  • Artillería
  • Enxeñeiros

Corpos comúns das Forzas Armadas.

Unidades e centros con emblema específico.

Empregos[editar | editar a fonte]

No Exército de Terra español existen os seguintes empregos, de acordo coa clasificación de rangos da OTAN, á cal España pertence.

Código OTAN OF-10 OF-9 OF-8 OF-7 OF-6 OF-5 OF-4 OF-3 OF-2 OF-1 OF-D Oficial cadete
Bandera de España España
Capitán General
General de Ejército
Teniente General
General de División
General de Brigada
Coronel
Teniente Coronel
Comandante
Capitán
Teniente
Alférez
Alférez
Caballero Cadete Primer Curso
Capitán Xeral1 Xeneral de Exército2 Tenente Xeral Xeneral de División Xeneral de Brigada Coronel Tenente Coronel Comandante Capitán Tenente Alférez Alférez Cadete Cadete

1 Ostentado por S.M. o Rei como parte das súas funcións constitucionais.
2 Ostentado polo JEME e o JEMAD, se pertence ao Exército de Terra.

Código OTAN OR-9 OR-8 OR-7 OR-6 OR-5 OR-4 OR-3 OR-2 OR-1
Bandeira de España España OR10-Suboficial Mayor.svg OR09-Subteniente.svg OR08-Brigada.svg OR07-Sargento Primero.svg OR06-Sargento.svg OR05-Cabo Mayor.svg OR04-Cabo Primero.svg OR03-Cabo.svg OR02-Soldado de primera.svg OR01-Soldado.svg
Suboficial maior Subtenente Brigada Sarxento Primeiro Sarxento Cabo Maior Cabo Primeiro Cabo Soldado de primeira Soldado

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Exército de Terra de España