Donramiro, Lalín
| Donramiro | |
|---|---|
 |
|
| Igrexa de Santa María de Donramiro. | |
| Concello | Lalín |
| Área | 4,5 km² |
| Poboación | 1002 hab. (2011) |
| Densidade | 222,67 hab./km² |
| Entidades de poboación | 6 |
Santa María de Donramiro é unha parroquia que se localiza no concello de Lalín. Segundo o IGE en 2011 tiña 1002 habitantes (484 mulleres e 518 homes), distribuídos en 5 entidades de poboación, o que supón un aumento en relación ao ano 1999 cando tiña 912 habitantes. Conta cos lugares de Agruchave, Donramiro, Filgueiroa, Penela (onde se formou a Banda de música da Penela), Regueiriño e Trascastro.
Está a unha altura de seiscentos metros.
Índice |
Historia e Patrimonio [editar]
Unha antiga lenda local atribúe a fundación da parroquia a un rei godo chamado Ramiro.
Nos montes do Monserrat áchase un castro explorado por Florentino López Cuevillas.
A antiga igrexa románica do século XII foi reformada no ano 1654 en estilo barroco, só a fachada e o primeiro tramo da nave son románicos. Nunha sepultura desa igrexa repousan os restos de Ramón María Aller Ulloa que naceu no Pazo de Filgueiroa, localizado nesta parroquia ao igual que o Palacete dos Crespo.
Os seus monumentos máis importantes son: o castro, o Palacete dos Crespo (coñecido como "a casa da Crespa" por ser a súa última moradora Anuncia Crespo Barros, filla do que foi alcalde de Lalín de 1903 a 1923, Antonio Crespo Pampín e neta do tamén alcalde do século XIX José Crespo Villar) e a carballeira da Crespa (que pertenceu a esta señora).
Festas [editar]
- O primeiro domingo despois do 9 de setembro celébrase unha famosa romaría no Montserrat.
Galería de imaxes [editar]
- Artigo principal: Galería de imaxes de Donramiro, Lalín.
-
Igrexa de Donramiro.
-
Pazo dos Crespo.
-
Capela do Montserrat.
Lugares e parroquias [editar]
Lugares de Donramiro [editar]
|
|||||
