Cerponzóns, Pontevedra
| Cerponzóns | |
|---|---|
 |
|
| igrexa parroquial | |
| Concello | Pontevedra |
| Área | - km² |
| Poboación | (Ano 2008) 806 hab. |
| Densidade | - hab./km² |
| Entidades de poboación | 13 |
San Vicente de Cerponzóns é unha parroquia situada ao norte do concello de Pontevedra. No ano 2008 tiña un total de 806 habitantes, 422 homes e 384 mulleres. Segundo o padrón municipal de 2004 tiña 815 habitantes (424 mulleres e 391 homes), distribuídos en 13 entidades de poboación, o que supón unha diminución en relación ao ano 1999 cando tiña 845 habitantes.
Limita con Alba, Verducido e Lérez. Cerponzóns pertenceu ao concello de Alba, adherido en 1868 ao de Pontevedra.
Índice |
[editar] Patrimonio
A igrexa parroquial é un templo orixinario do século XII con diversas reconstrucións posteriores. O retablo maior ten unha imaxe de San Vicente mártir do século XVIII, que representa o santo con figura xuvenil, vestido de diácono e cunha cruz nunha man e os Evanxelios na outra. Tanto no interior do templo como no seu exterior, poden contemplarse varios escudos nobiliarios da familia Osorio-Galos. Desde o outeiro no que está situada, divísase a cidade de Pontevedra, o río Lérez e a ría de Pontevedra.
Consérvanse tres cruceiros e varios muíños no curso do río Rons, algún deles aínda en funcionamento, ademais de catro edificios nobres, anteriores ao século XVIII, entre eles a casa reitoral.
A ruta portuguesa do Camiño de Santiago entra en Cerponzóns pola ponte de San Caetano, sobre o río Rons. Neste río está o embalse de Pontillón de Castro, lugar empregado a cotío para celebrar competicións de piragüismo.
Celébrase a festa patronal o cuarto domingo de xaneiro (San Vicente) e tamén a do Corpus Christi, coas súas alfombras florais.
[editar] Lugares e parroquias
[editar] Lugares de Cerponzóns
| Lugares da parroquia de Cerponzóns no concello de Pontevedra | |
|---|---|
|
A Balea | Bouza | O Bravo | O Castrado | A Costa | O Cunchido | A Ermida | Leborei | A Meán | Pidre | O Queimado | San Caetano | Tilve | Vigario |
