Marcón, Pontevedra

Marcón
	Igrexa de San Miguel de Marcón.
Concello	Pontevedra
Provincia	Pontevedra
Coordenadas	42°24′45″N 8°36′52″O / 42.4125, -8.61444444Coordenadas: 42°24′45″N 8°36′52″O / 42.4125, -8.61444444
Área	9,16 km²
Poboación	2105 hab. (2017)
Densidade	229,8 hab./km²
Entidades de poboación	13
	[ editar datos en Wikidata ]

Para outras páxinas con títulos homónimos véxase: Marcón.

San Miguel de Marcón é unha parroquia do concello de Pontevedra. Segundo o padrón municipal (INE) en 2017 tiña 2105 habitantes (1012 homes e 1093 mulleres), 15 menos ca no ano anterior.

Xeografía[editar | editar a fonte]

A parroquia sitúase ao pé do monte da Fracha (545 m). Limita coa Canicouva, Tomeza, Bora, Mourente e Tourón. Está atravesada polo río de Pintos, afluente do río dos Gafos.

No seu momento pertenceu ao concello de Mourente.

Patrimonio[editar | editar a fonte]

A súa igrexa parroquial (do século XX, que mestura estilos románico e gótico), a casa reitoral e a ponte do Couto son as mostras máis destacadas do seu patrimonio monumental. A fonte dos Bañiños é de augas medicinais.

No campo de fútbol do Carrasco xoga o Marcón Atlético, e pola parroquia discorre a proba de rally Subida Cidade de Pontevedra, que remata no polígono industrial do Campiño.

Festas[editar | editar a fonte]

A parroquia celebra as festas de San Miguel os días 29 e 30 de setembro e 1 de outubro.

Lugares e parroquias[editar | editar a fonte]

Lugares de Marcón[editar | editar a fonte]

Lugares da parroquia de Marcón no concello de Pontevedra
Albeiro \| A Barcia \| A Cardosa \| Carracido \| A Ermida \| Marcón \| Pazos \| Pedra do Lagarto \| Peralba \| Pintos \| Ría de Abaixo \| Ría de Arriba \| Sabarís \| Valadares \| Vilafranca