Basketball Bundesliga

Na Galipedia, a Wikipedia en galego.

A Basketball Bundesliga (frecuentemente abreviado como BBL), ou Liga de baloncesto de Alemaña, é a máxima categoría do baloncesto en Alemaña. A liga consta de 18 equipos. Na BBL xógase unha liga regular e un play-off. Ao final da liga, os oito equipos mellor clasificados clasifícanse para o play-off e os dous últimos clasificados descenden a unha categoría inferior. Os play-offs son xogados en eliminatorias ao mellor de cinco partidos. O equipo que gaña a rolda final é proclamado campión alemán da tempada.

Ademais da liga, tódolos equipos da BBL compiten na Copa alemana (BBL-Cup)[1]. Os equipos que compiten no segundo nivel do baloncesto alemán (Pro A ou Pro B) ou nunha liga rexional máis baixa tamén poden ser elixidos para participar nesta competición[2].

Historia[editar | editar a fonte]

Esta liga foi creada en 1939, sendo pronto suspendida a causa da Segunda Guerra Mundial, non reiniciándose ata 1947. A partir de 1966 converteuse nunha competición profesional. En 1947, o MTSV Schwabing München converteuse no primeiro campión logo da Guerra que dividíu Alemaña. A creación dunha liga na República Democrática Alemá consistente nunha división Norte e unha división Sur de 10 equipos cada unha, foi creada en 1964 pola Federación Alemá de Baloncesto (DBB). O 1 de Outubro de 1966 comezou a primeira tempada da renomeada Basketball Bundesliga. A principios da tempada 1971-72 o número de equipos desta categoría reducíuse a oito equipos. Na tempada 1975-76, a estutura da liga trocou a unha liga de 10 equipos na primeira liga (1. Basketball Bundesliga) e 20 equipos nunha segunda liga league (2. Basketball Bundesliga). Só a segunda liga estaba dividida nunha división Norte e outra división Sur, cada unha delas de 10 equipos. En 1985 a máxima competición do baloncesto alemán foi ampliada a 12 equipos, dous anos despois, cada unha das divisións da segunda liga foi ampliada tamén a 12 equipos. En 1988 aplicouse por primeira vez o sistema de play-off ao mellor de cinco partidos. Ao comezo da tempada 1995-96 a liga estaba formada por 14 equipos. A Basketball Bundesliga GmbH (BBL) foi fundada en Outubro de 1996. Dous anos despois, un contrato asinado entre a BBL e a Federación Alemá de Baloncesto transfería os seus dereitos de imaxe á BBL durante 10 anos a cambio de que a BBL pagara anualmente axudas ao "deporte amateur" por 600.000 DM (306.775 ). A principios da tempada 2003-04 a BBL ampiouse a 16 equipos, e na 2006-07 a 18 equipos. Na tempada 2007-08 a estrutura da segunda liga suprimiu as divisións Norte e Sur por unha División Pro A e Pro B. Estas divisións están baixo a administración da "AG 2. Bundesliga".

Entre 1994 e 2001, o máximo nivel das ligas alemás de baloncesto foi denominada "Veltins Basketball Bundesliga", e de 2001 a 2003, a liga foi coñecida coma "s.Oliver Basketball Bundesliga".

O equipo que máis ligas gañou é o Bayer Giants Leverkusen, con 14 títulos, aínda que o dominador nos últimos tempos é o ALBA Berlin, gañando 7 títulos consecutivos dende 1997, gañando en 2008 o seu oitavo título. Dende a súa creación, 21 equipos gañaron esta competición.

Equipos 2009-2010[editar | editar a fonte]

Equipo Cidade
Brose Baskets Bamberg
ALBA Berlin Berlín
Telekom Baskets Bonn Bonn
New Yorker Phantoms Braunschweig Braunschweig
Eisbären Bremerhaven Bremerhaven
Giants Düsseldorf Düsseldorf
Deutsche Bank Skyliners Frankfurt
LTI Gießen 46ers Giessen
MEG Göttingen Gotinga
Phoenix Hagen Hagen
EnBW Ludwigsburg Ludwigsburg
EWE Baskets Oldenburg Oldenburg
Paderborn Baskets Paderborn
Artland Dragons Quakenbrück
TBB Trier Tréveris
WALTER TIGERS Tübingen Tubinga
Ratiopharm Ulm Ulm
Mitteldeutscher BC Weißenfels

Palmarés (era profesional)[editar | editar a fonte]

Ligazóns[editar | editar a fonte]

Notas[editar | editar a fonte]