Adriaan Fokker

Adriaan Daniël Fokker

Biografía
Nacemento	17 de agosto de 1887 Bogor, Indonesia (pt)
Morte	24 de setembro de 1972 Beekbergen Güeldres Países Baixos
Datos persoais
Residencia	Países Baixos
País de nacionalidade	Neerlandesa
Educación	Universidade de Leiden Universidade de Tecnoloxía de Delft
Director de tese	Hendrik Lorentz
Coñecido por	Ecuación de Fokker-Planck
Actividade
Campo de traballo	Física e Musicoloxía
Ocupación	físico , inventor , teórico da música , musicólogo , compositor , profesor universitario
Empregador	Universidade de Leiden, Professor by special appointment (en) . Faculdade de Matemática e Ciências Naturais (pt) (1928–1955) Universidade de Leiden, Professor by special appointment (en) . Faculdade de Matemática e Ciências Naturais (pt) (1928–1955) Universidade Técnica de Delft, Dutch ordinary professor (en) (1923–1927) Museu Teyler (pt) , conservador
Membro de	Academia Real das Artes e Ciências dos Países Baixos (pt)
Profesores	Hendrik Lorentz
Lingua	Lingua neerlandesa
Obra
Doutorando	Henri Florin (en)
Familia
Fillos	A. D. Fokker (en)
Parentes	Anthony Fokker (sobriño)
Premios (1964)  Zilveren Anjer (en)

Adriaan Daniël Fokker, nado na vila de Buitenzorg, nas Indias Orientais Neerlandesas, o 17 de agosto de 1887 e finado en Beekbergen, na provincia neerlandesa de Güeldres, o 24 de setembro de 1972, foi un físico e músico dos Países Baixos.

Traxectoria

No eido da Física

Adriaan Fokker (na fronte, cuarto pola esquerda) en Leiden en 1926, cos seus compañeiros do laboratorio de Heike Kamerlingh Onnes.

Fokker naceu nun territorio daquela de soberanía neerlandesa, aínda que hoxe recibe o nome de Bogor e pertence a Indonesia.

Era curmán do enxeñeiro aeronáutico Anthony Fokker, fundador da compañía Fokker de aviación. Estudou Enxeñaría de Minas na Universidade de Tecnoloxía de Delft e popsteriormente Física na Universidade de Leiden, co físico neerlandés gañador dun premio Nobel Hendrik Lorentz, onde acadou seu doutoramento en 1913. Na súa tese, dese mesmo ano, derivou o que a partir de entón se pasou a chamar "ecuación de Fokker-Planck", xuntamente con Max Planck.

Logo do seu período de formación universitaria, continuou as súas investigacións con Albert Einstein, Ernest Rutherford e William Bragg.

Fokker fixo diversas contribucións á relatividade especial e algunhas outras menos coñecidas á relatividade xeral, especialmente para a "precesión xeodésica", o fenómeno de precesión dun xiroscopio de caída libre nun campo gravitatorio.

No eido da Musicoloxía

Reprodución esquemática do teclado do órgano de Fokker

Na súa faceta de compositor musical e musicólogo, Fokker deseñou e mesmo construíu unha serie de instrumentos de teclado capaces de reproducir escalas microtonais a través dun teclado xeneralizado. O máis coñecido destes instrumentos é un órgano de 31 intervalos iguais ben temperado, coñecido comunmente como órgano Fokker, que foi instalado inicialmente no Museo Teyler de Haarlem in 1951 e posteriormente trasladado á sala de concertos Muziekgebouw aan 't IJ de Ámsterdam, onde se utiliza con regularidade para interpretacións abertas ao públcio.

Véxase tamén

Ligazóns externas

• Transcrición dunha entrevista a Adriaan Fokker por John L. Helibron en Beekbergen, o 1 de abril de 1963 (en inglés)
• "The Fokker organ Arquivado 12 de setembro de 2015 en Wayback Machine.". En Bibliolore. The Rilm Blog (en inglés)
• Vídeo dunha interpretación co órgano de Fokker