ASM Clermont Auvergne

Na Galipedia, a Wikipedia en galego.
ASM Clermont Auvergne
Nome completo ASM Clermont Auvergne
Alcume(s) L'ASM
Fundación 1911
Localización Clermont-Ferrand
Estadio(s) Parc des Sports Marcel Michelin
Capacidade 18.030 persoas
Presidente René Fontès
Adestrador Vern Cotter
Capitán Aurelien Rougerie
Máx. Anotador -
Máis ensaios -
Liga Francia Top 14
Tempada 2011/12
Posición 2º (semifinais)
Páxina web oficial
Na súa casa


Fóra


O ASM Clermont Auvergne é un club profesional de rugby da cidade francesa de Clermont-Ferrand, fundado no ano 1911 co nome de Association Sportive Michelin, pola coñecida fábrica de cauchos da localidade, sendo dende os seus comezos unha institución polideportiva na que tamén hai seccións de fútbol, baloncesto, atletismo, ximnasia, tenis, loita, judo e boxeo.

Historia[editar | editar a fonte]

No ano 1922 cambiou o nome polo de Association Sportive Montferrandaise, chamado familiarmente polos seus seguidores L'ASM, e coñecido no mundo do rugby como Montferrand.

O equipo obtivo o ascenso á máxima categoría do rugby francés no ano 1925, e dende entón non descendeu nunca. A pesares da súa continua presenza na división de honra francesa, o ASM non foi quen de gañar o seu primeiro título de campión francés ata o ano 2010, despois de ser 10 veces subcampión nos anos 1936, 1937, 1970, 1978, 1994, 1999, 2001, 2007, 2008 e 2009 (feito polo que o club era coñecido coma un perde-finais).

Dende o ano 2004 o club cambiou a súa denominación pola actual de ASM Clermont Auvergne.

Nas competicións europeas o club tivo un éxito relativo ata hoxe, porque aínda que na segunda competición continental (a European Challenge Cup) o club logrou 2 títulos nos anos 1999 e 2007, na máxima competición (a Heineken Cup) o ASM Clermont Auvergne no ten feito nada salientable.

O estadio no que o club xoga os seus partidos como local é o Stade Marcel Michelin, chamado así en honra do fundador do club e da famosa compañía industrial. No campo collen 15.000 persoas.

Nesta tempada 2010/11 o club compite para gañar a Heineken Cup e o Top 14 francés.

Títulos[editar | editar a fonte]

Tempada actual[editar | editar a fonte]

Francia Top 14 — Tempada 2012/13
Posto Equipo Puntos Xogados Gañ. Emp. Per. PF PC BO BD
Auvernia ASM Clermont 91 26 19 1 6 779 418 8 5
Provenza-Alpes-Costa Azul RC Toulon 90 26 18 1 7 779 456 11 5
Mediodía-Pireneos Stade Toulousain 79 26 17 0 9 702 501 7 4
Mediodía-Pireneos Castres Olympique 74 26 15 2 9 599 489 4 6
Languedoc-Rosellón Montpellier Hérault 73 26 16 0 10 570 520 5 4
Illa de Francia Racing Métro 92 73 26 16 0 10 512 431 2 7
Languedoc-Rosellón USA Perpignan 61 26 13 0 13 593 607 2 7
Aquitania Aviron Bayonnais 57 26 12 1 13 467 609 1 6
Aquitania Biarritz Olympique 57 26 12 1 13 505 540 2 5
10º Illa de Francia Stade Français 54 26 12 1 13 578 691 2 2
11º Ródano-Alpes FC Grenoble 54 26 12 0 14 480 606 1 5
12º Aquitania Union Bordeaux Bègles 47 26 8 1 17 561 584 4 9
13º Aquitania SU Agen 31 26 6 0 20 423 709 0 7
14º Aquitania Stade Montois 16 26 2 0 24 374 761 1 7
Cada encontro gañado (Gañ.) supón 4 puntos para a clasificación, e cada empate (Emp.) outros 2. Os puntos bonus ofensivos (BO) acádanse cada vez que un equipo anota 3 ensaios ou máis nun encontro, mentres que os puntos bonus defensivos (BD) acádanse cando o equipo perde un encontro por 7 puntos de diferenza ou menos. Estes puntos bonus engádense ós acadados polas vitorias ou empates.

<<<< 2011/12 — Tempadas — 2013/14 >>>>


En azul      as posicións que clasifican para semifinais (1º e 2º).
En verde      as posicións que clasifican para cuartos de final (3º, 4º, 5º e 6º).
En vermello      as posicións de descenso directo (13º e 14º).

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: ASM Clermont Auvergne