Zygmunt Łoziński
  | |
| Nome orixinal | (be) Зігмунд Лазінскі (pl) Zygmunt Konstanty Antoni Łoziński |
|---|---|
| Biografía | |
| Nacemento | 5 de xuño de 1870 Baracin (en)  |
| Morte | 26 de marzo de 1932 (61 anos) Pinsk |
| Lugar de sepultura | Cathedral of Name of the Blessed Virgin Mary (en) |
| Roman Catholic Bishop of Pinsk (en) | |
| 28 de outubro de 1925 – 26 de marzo de 1932 – Kazimierz Bukraba → Diocese: Diocese católica latina de Pinsk | |
| Roman Catholic Bishop of Minsk (en) | |
| 2 de novembro de 1917 – 28 de outubro de 1925 ← Adam Wojtkiewicz (en) Diocese: Roman Catholic diocese of Minsk (en) | |
| Datos persoais | |
| Residencia | San Petersburgo |
| País de nacionalidade | Polonia |
| Relixión | Igrexa católica e Igrexa católica latina |
| Educación | Academia Teolóxica Imperial de San Petersburgo |
| Actividade | |
| Campo de traballo | Church‘s ministry (en) |
| Ocupación | bispo católico (1918–), sacerdote católico (1895–), párroco , bispo diocesano |
| Empregador | Academia Teolóxica Imperial de San Petersburgo |
| Lingua | Lingua polaca |
| Consagración | Aleksander Kakowski (pt) |
| Enaltecemento | |
| Familia | |
| Familia | Łoziński family of the Lubicz coat of arms (en) |
Premios
| |
 | |
Zygmunt Konstanty Antoni Łoziński, nado o 5 de xullo de 1870 en Baracina (Imperio Ruso, hoxe Belarús) e finado o 26 de marzo de 1932 en Pinsk (RSS de Belarús), foi un bispo da Igrexa católica latina polaco, bispo de Minsk entre 1917 e 1925, e posteriormente bispo de Pinsk até o seu pasamento.
Traxectoria[editar | editar a fonte]
Zygmunt Łoziński naceu o 5 de xuño de 1870 en Baracina, preto de Navahrudak, entón parte da gobernación de Grodno do Imperio Ruso.[1][2] Estudou en Varsovia e posteriormente en San Petersburgo, onde se graduou pola Academia Teolóxica Católica de San Petersburgo en 1891.[1][2]
Foi ordenado sacerdote o 23 de xuño de 1895, e pasou a exercer a docencia no seminario e nunha escola secundaria en San Petersburgo.[1][2] Posteriormente foi sentenciado por "patriotismo polaco" polas autoridades rusas o 17 de novembro de 1898 a tres anos de reclusión nun convento en Aglona (Letonia).[1] En 1900 foi nomeado vigairo parroquial en Smolensk e posteriormente reasignado a Tula en 1901, a Riga en 1902, e a Minsk en 1904.[1][2] En 1905 Łoziński foi nomeado reitor da catedral de Minsk. En 1906 volveu a San Petersburgo, dando clases de Hebreo e Estudos bíblicos na Academia Católica.[1] Entre 1909 e 1911 acompañou a Jan Cieplak, bispo auxiliar de Mahilioŭ, na súa visita ás diferentes parroquias do Imperio.[1] A partir de 1912 continuou os seus estudos en Alemaña, Roma e Terra Santa.[1]
O papa Bieito XV nomeouno bispo de Minsk o 2 de novembro de 1917.[1][2] Recibiu a consagración episcopal o 28 de xullo de 1918 en Varsovia, de mans do cardeal Aleksander Kakowski.[1][2] Comezou a súa tarefa reorganizando a diocese e comezando a estrutura do Seminario Teolóxico de Minsk.[2] Logo da ocupación da cidade polos bolxeviques, as autoridades soviéticas arrestárono o 1 de agosto de 1920 acusado de "contrarrevolucionario" pero foi liberado o 11 de agosto.[1][2] Foi arrestado novamente o 4 de setembro e retido prisioneiro en Moscova durante 11 meses, e logo foi expulsado a Polonia, onde residiu en Navahrudak a partir de 1922.[1][2] O papa Pío XI nomeouno o 2 de decembro de 1925 bispo de Pinsk, e foi tamén profesor no seminario local.[1] Malia ser patriota polaco, introduciu o uso do belaruso na liturxia.[1] Finou o 26 de marzo de 1932.[1][2]
Premios e distincións[editar | editar a fonte]
Foi condecorado coa Orde da Aguia Branca e coa Cruz do Valor de Polonia.[3]
Culto[editar | editar a fonte]
O proceso de beatificación comezou en Pinsk e no Vaticano. O proceso informativo comezou en 1957 e rematou en 1962.[1][2] O 4 de decembro de 1980 foi nomeado Servo de Deus.
A Congregación para as Causas dos Santos recibiu a positio en 1990, e os teólogos da congregación aprovaron a causa o 10 de decembro de 1992. O 2 de abril de 1993 o papa Xoán Paulo II declarouno Venerable.[2]
Notas[editar | editar a fonte]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 Dzwonkowski, Roman (1998). Losy duchowieństwa katolickiego w ZSSR 1917-1939: martyrologium [O destino do clero católico na URSS 1917-1939: martiroloxio] (en polaco). Towarzystwo Naukowe Katolickiego Uniwersytetu Lubelskiego. pp. 332–334. ISBN 9788386668670.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 Вінтоў, Яўген (30 de xullo de 2018). "100 гадоў таму Слуга Божы Зыгмунт Лазінскі стаў біскупам" [100 anos dende que o Servo de Deus Zygmunt Łoziński se converteu en bispo]. Catholic.by (en belaruso). Arquidiocese católica latina de Minsk-Mahilioŭ. Consultado o 18/04/2022.
- ↑ Męclewska, Marta; Szczecina, Anna; Zawadzki, Michał, eds. (2005). Za ojczyznę i naród: 300 lat Orderu Orła Białego: wystawa w Zamku Królewskim w Warszawie 9 listopada 2005 - 31 stycznia 2006 [Pola patria e a nación: 300 anos da Orde da Aguia Branca: exposición no Castelo Real de Varsovia, 9 de novembro de 2005 - 31 de xaneiro de 2006] (en polaco). Arx Regia Ośrodek Wydawniczy Zamku Królewskiego. p. 447. ISBN 9788370221515.
Véxase tamén[editar | editar a fonte]
Bibliografía[editar | editar a fonte]
- Naruszewicz, Pietro (1982). Sigismondo Łoziński: eroico testimone di fede incomodo a molti, ma caro al Signore. Roma: Abilgraf.
| Dignidades da Igrexa católica | ||
|---|---|---|
| Predecesor: Adam Wojtkiewicz |
Bispo de Minsk 1917 - 1925 |
Sucesor: Boļeslavs Sloskāns (administrador apostólico) |
| Predecesor: (non houbo) |
Bispo de Pinsk 1925 - 1932 |
Sucesor: Kazimierz Bukraba |
| Control de autoridades |
|
|---|
- Nados en 1870
- Nados na rexión de Brest
- Bispos da Igrexa católica latina
- Bispos católicos de Belarús
- Finados en 1932
- Venerados pola Igrexa católica
- Orde da Aguia Branca (Polonia)
- Cruz do Valor (Polonia)
- Alumnos da Academia Teolóxica Católica de San Petersburgo
- Profesores da Academia Teolóxica Católica de San Petersburgo