Apolinary Wnukowski
| Apolinary Wnukowski | |
|---|---|
 | |
| Arcebispo da Igrexa católica latina (Igrexa católica) | |
| Biografía | |
| Nacemento | 23 de xullo de 1848 |
| Pasamento | 21 de maio de 1909 |
| Ordes | |
| Ordenación sacerdotal | 15 de xuño de 1872 |
| Consagración episcopal | 13 de novembro de 1904, por Jerzy Józef Szembek |
| Arcebispo de Mahilioŭ | |
| 1908 - 1909 | |
| Predecesor | Jerzy Józef Szembek |
| Sucesor | Wincenty Kluczyński |
| Outros | |
| Ficha en catholic-hierarchy.org | |
Apolinary Wnukowski, nado o 23 de xullo de 1848 e finado o 21 de maio de 1909, foi un eclesiástico católico latino polaco, bispo de Płock entre 1904 e 1908, e arcebispo metropolitano de Mahilioŭ dende 1908 até o seu pasamento.
Traxectoria[editar | editar a fonte]
Naceu o 23 de xullo de 1848 en Khotyn, entón parte da gobernación de Besarabia do Imperio Ruso (hoxe na rexión de Chernivtsi, Ucraína), fillo de Maciej e Anna (de apelido de solteira Wojnarowska).[1] Estudou en Kamianets-Podilskyi e posteriormente ingresou en 1865 no seminario da mesma cidade.[1] Cando o seminario foi abolido polo goberno ruso, trasladouse a Zhitómir, e posteriormente á Academia Teolóxica Católica de San Petersburgo.[1] O 15 de xuño de 1872 foi ordenado sacerdote.[1] Á súa volta a Zhitómir foi profesor no seminario, secretario da curia episcopal e, a partir de 1898, reitor do seminario e párroco da catedral.[1]
O 24 de abril de 1904 foi nomeado bispo de Płock. Recibiu a consagración episcopal o 13 de novembro do mesmo ano, de mans do arcebispo metropolitano de Mahilioŭ Jerzy Józef Szembek, e tendo como co-consagradores principais ao bispo de Vilnius Eduard von der Ropp e ao bispo de Cuiavia-Kalisz Stanisław Kazimierz Zdzitowiecki.[1][2] Como bispo tivo que afrontar o problema dos mariavitas na súa diocese.[1]
O 16 de xuño de 1908 foi nomeado arcebispo metropolitano de Mahilioŭ.[3] Finou no cargo o 21 de maio de 1909.[4]
Notas[editar | editar a fonte]
- ↑ 1,0 1,1 1,2 1,3 1,4 1,5 1,6 Nowowiejski, Antoni Julian (1917). Plock: monografja historyczna [Plock: monografía histórica] (en polaco). Rosiński. pp. 66–67.
- ↑ Prokop, Krzysztof Rafał (2005). "Konsekracje i sukcesja apostolska ordynariuszy oraz sufraganów płockich w XIX i XX stuleciu (1805-1999)" [Consagración e sucesión apostólica dos ordinarios e sufragáneos de Płock nos séculos XIX e XX (1805-1999)]. Studia Płockie (Płocki Instytut Wydawniczy) 33: 192. ISSN 0137-4362. Arquivado dende o orixinal o 26 de xullo de 2020. Consultado o 11 de novembro de 2020.
[...] gdy z kolei stolica w Płocku przypadła z dniem 1IV 1904 rektorowi seminarium w Żytomierzu, 56-letniemu Apolinaremu Wnukowskiemu. Tak jak jego bezpośredni poprzednik, również on święcenia biskupie przyjął w Sankt Petersburgu, w kościele św. Katarzyny Aleksandryjskiej, które to wydarzenie miało miejsce 13 XI (31 X starego stylu) 1904. Właśnie też nowy metropolita Jerzy Józef Szembek, niedawny rządca Kościoła płockiego, był głównym konsekratorem swego następcy, zaś w charakterze współkonsekratorów wystąpili ordynariusze: wileński Edward Ropp i kujawsko-kaliski (włocławski) Stanisław Kazimierz Zdzitowiecki [[...] cando a sé de Płock foi asignada o 1 de abril de 1904 ao reitor do seminario de Żytomierz, Apolinary Wnukowski, de 56 anos. Como o seu inmediato antecesor, foi ordenado bispo en San Petersburgo, na igrexa de St. Catarina de Alexandría, e tivo lugar este evento o 13 de novembro (31 de outubro, ao estilo antigo) de 1904. Foi o novo metropolitano Jerzy Józef Szembek, anterior administrador da diocese de Płock, o principal consagrador do seu sucesor, e os ordinarios que actuaron como co-consagradores foron: o de Vilnius Edward Ropp, e o de Cuiavia-Kalisz Stanisław Kazimierz Zdzitowiecki]
- ↑ Ledit, Joseph (1963). Archbishop John Baptist Cieplak. Palm Publishers. p. 17.
- ↑ Ledit, Joseph (1963). Archbishop John Baptist Cieplak. Palm Publishers. p. 22.
