Kiryl Klimovič
| Кірыл Клімовіч Kiryl Klimovič | |
|---|---|
 | |
| Bispo da Igrexa Católica Latina | |
| Biografía | |
| Nacemento | 5 de novembro de 1952 en Amangeldi (R.S.S. de Casaquistán) |
| Ordes | |
| Ordenación sacerdotal | 8 de xuño de 1980, por Józef Glemp |
| Consagración episcopal | 4 de decembro de 1999, por Kazimierz Świątek |
| Bispo de Irkutsk | |
| 2003 - actualidade | |
| Predecesor | Jerzy Mazur |
| Outros | |
 Escudo de Kiryl Klimovič | |
| Ficha en catholic-hierarchy.org | |
Kiryl Klimovič[1] (en belaruso: Кірыл Клімовіч; adaptado ao ruso: Кирилл Климович), nado en Amangeldi[2] (distrito de Eñbekşiqazaq, rexión de Almatı, R.S.S. de Casaquistán) o 5 de novembro de 1952[2] é un eclesiástico católico latino belaruso, bispo de Irkutsk dende 2003.
Traxectoria[editar | editar a fonte]
Naceu en Amangeldi, na R.S.S. de Casaquistán, o 5 de novembro de 1952, nunha familia belarusa, que en 1956 volveu á R.S.S. de Belarús, e que posteriormente emigrou á República Popular de Polonia.
Logo da escola secundaria, ingresou en 1974 no seminario maior en Olsztyn. O 8 de xuño de 1980 foi ordenado sacerdote[2] polo bispo de Warmia Józef Glemp, e exerceu durante dez anos o seu ministerio en Polonia.
En xullo de 1990 pasou a ser reitor de Hlybokaje, en Belarús. O 13 de outubro de 1999 o papa Xoán Paulo II nomeouno bispo auxiliar da arquidiocese de Minsk-Mahilioŭ e bispo titular de Arban.[2] Recibiu a consagración episcopal o 4 de decembro de 1999[2] de mans do cardeal Kazimierz Świątek.[3]
O 17 de abril de 2003[2] o mesmo papa nomeouno bispo de Irkutsk.
