Zhu Yizun

Zhu Yizun (朱彝尊)
Biografía
Nacemento	7 de outubro do 1629; Zhejiang
Morte	14 de novembro do 1709
Datos persoais
País de nacionalidade	Chinesa
Grupo étnico	Han
Relixión	Confucianismo
Actividade
Ocupación	Poeta
Movemento	Q10385122
Lingua	Chinés clásico e Old Mandarin (en)
Obra
	Obras destacables Q18866476 ;
Familia
Pai	Q11094696

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

Zhu Yizun (chinés tradicional: 朱彝尊; chinés simplificado: 朱彝尊; pinyin: Zhū Yízūn; Wade-Giles: Chu¹ I²-tsun¹), nome de cortesía Xichang 錫鬯, nado en Zhejiang no 1629 e finado no 1709, foi un escritor e poeta chinés da dinastía Qing.^[1]^[2]^[3] Durante os seus primeiros anos, foi recoñecido polo seu talento e axudado por Gong Dingzi. Zhu fundou a escola Zhexi da poesía ci 詞.

Traxectoria[editar | editar a fonte]

Zhu Yizun naceu en Zhejiang o 7 de outubro do 1629.^[1]^[3] Na súa mocidade, loitou contra as tropas manchús que acabarían por fundar a dinastía Qing.^[3] Posteriormente, aprobou os exames imperiais e obtivo un posto de editor na Academia Hanlin.^[3] No 1692, decidiu retirarse e regresar á súa cidade natal, onde se dedicou á poesía e ao estudo.^[3] Faleceu o 14 de novembro do 1709.^[1]^[3]

Obra[editar | editar a fonte]

Poesía[editar | editar a fonte]

Zhu Yizun estivo influenciado polos poetas da dinastía Song, coma Jiang Kui e Zhang Yan. Entre as súas obras, sobrevive a escolma Jingzhiju qinqu 静志居琴趣, na que se describe o seu amor ilícito pola súa media irmá, Shouchang. Trátase dun libro destacado no desenvolvemento do estilo yan 豔 da poesía ci.

Escribiu 80 dos volumes da colección Pu shuting ji 曝书亭集 ("Escolma do Pavillón dos Libros Expostos"), entre outras. A súa compilación Ci zong 詞綜 ("Síntese do ci") foi moi importante no estudo dos ci.^[3]

Ensaio[editar | editar a fonte]

Participou na edición do Mingshi 明史 ("Historia dos Ming"), a historia dinástica oficial dos Ming.^[3] Tamén contribuíu ao comentario dos clásicos chineses co seu longo Jinyi kao 經義考.^[3] Así mesmo, escribiu o Kongmen dizi kao 孔門弟子考 ("Estudo sobre os discípulos da escola de Confucio"), no que ofrece datos biográficos e información de interese filosófica.^[3]

Relación con Wang Shizhen[editar | editar a fonte]

O seu traballo estivo vinculado ao de Wang Shizhen (1634-1711), co que foi comparado con frecuencia.^[3] Ambos eran coñecidos coma nan Zhu bei Wang 南朱北王 ("Zhu do sur e Wang do norte"), en referencia ás súas respectivas rexións de orixe.^[3]