A edición en galés comezou en xullo de 2003. O 23 de xuño de 2007, acadou os 10 000 artigos, sendo daquela a Wikipedia número 66 con maior número de artigos. O 20 de novembro de 2008, chegou aos 20 000 artigos. En pouco menos dun ano, o 28 de outubro de 2009, alcanzou a cifra de 25 000 artigos. En xullo de 2013 chegou aos 50 000 artigos e situouse no posto 62 das Wikipedias con máis artigos.[2] É o único recurso de Internet deste tipo en galés e ten unha media de 2,7 millóns de visitas cada mes, o que o converte no sitio web en galés máis popular. Polo tanto, ten un lugar importante na cultura en liña de galés.
A Wikipedia galesa creceu a un ritmo considerable, polo seu tamaño, nos últimos anos, con máis de 10.000 artigos creados en menos de 18 meses no período de xuño de 2007 a novembro de 2008, duplicando o seu total. Foi mencionado nas revistas en lingua galesa Golwg[3] e Y Faner Newydd, e foi recollido pola Biblioteca Nacional de Gales como unha fonte dixital da lingua galesa.
