Vilaselán, Ribadeo

Vilaselán
Vista frontal da igrexa
Concello	Ribadeo
Provincia	Lugo
Coordenadas	43°32′53″N 7°02′57″O
Poboación	375 hab. (2020)
Entidades de poboación	16
[ editar datos en Wikidata ]

Santa María de Vilaselán é unha parroquia do concello de Ribadeo, na provincia de Lugo. Segundo o censo de 2007, tiña 412 habitantes (403 en 2004), repartidos en dous lugares (As Trancoeiras e Xan de Abaixo) e 14 entidades de poboación. Segundo o IGE, no 2014 a súa poboación descendera ata os 390 habitantes, sendo 185 homes e 205 mulleres.

As entidades de poboación so: As Barreiras (26), O Campoxurado (39), O Cargadoiro (27), As Casas de Abaixo (5), O Circo (30), A Cruz (20), A Eirexa (29), O Espín (16), Os Galos (128), A Granxa (abandonado), A Lodeira (13), Outeiro (7), A Senra (12) e A Torre (38).

Xeografía

A parroquia ten unha superficie de 2,12 km², cunha densidade media de 190,1 hab./km². Limita ao norte co mar Cantábrico, ao sur con Ove e Vilausende, ao leste con Piñeira e Ribadeo, e ao oeste con Vilaframil e Rinlo. Pertencente o arciprestado de Ribadeo e é anexa da parroquia de San Xoán de Piñeira.

Nun dos extremos atópase a Illa Pancha que vixía a entrada da enseada de Vilaselán, e polo outro extremo a entrada da ría de Ribadeo. Tamén pasa polas súas estremas o río de Vilaselán. E pódese apreciar dende as dúas derradeiras décadas do século XX a absorción dalgunhas aldeas pola expansión da vila de Ribadeo, como A Eirexa, A Senra, O Circo e algunha outra máis.

Historia

O nome parece provir dun composto por Vila (do latín villa 'Casa de Campo') e Selán (nome de posesor xermánico latinizado Selanus), no caso xenitivo, Villa [domini] Selani. Coa caída do -i final dá a súa forma actual, Selán.

Igrexa de Vilaselán, Ribadeo. Ofrendas de maquetas de barcos

Patrimonio

O máis característico é a Igrexa de Santa María de Vilaselán, do século XVIII. Nunha aldea próxima está a Capela de San Miguel.

No territorio aséntanse varios castros, como o Castro das Grobas e o de Louselas. Neste apareceron restos paleolíticos (achelense) e un torques celta achado en 1872. Aínda en fase da avaliación, considerase un asentamento de grande importancia tanto pola súa extensión como pola cantidade de restos atopados ata o momento. Algúns foron trasladados o museo de Vilalba.

Festas e lecer

Vista lateral da igrexa. Apréciase a porta de entrada usada habitualmente.

Celébranse as Festas da Virxe o 10 de abril. Nelas venérase con gran devoción (principalmente entre os mariñeiros), a imaxe da Virxe (aparecida no mar, segundo a tradición). Tamén son celebradas as Festas de Santo Antón, que teñen lugar o 13 de xuño.

Pódese destacar que se están comezando a urbanizar os extremos do norte da parroquia, onde está xa rematado gran parte do paseo marítimo.

Asociacionismo

A parroquia dispón dende hai tempo dunha asociación de veciños, a a. VV. Virxe de Vilaselán, que no 2019 está en risco de disolución por falta de rexeración da directiva.

Galería fotográfica

• 
  Porta principal (pouco usada) da igrexa de Vilaselán.
• 
  Balaustrada traseira.
• 
  Ofrendas de maquetas de barcos no interior da igrexa.
• 
  Púlpito da igrexa.
• 
  Vista lateral da igrexa.
• 
  Altar lateral da igrexa.
• 
  Altar lateral 2 da igrexa
• 
  Adro da Igrexa
• 
  Igrexa
• 
  Detalles do interior da igrexa.
• 
  Hórreo na estrada dende Ribadeo, á dereita da estrada (A Lodeira).
• 
  Hórreo na estrada dende Ribadeo, á esquerda (fronte ó anterior, A Lodeira)
• 
  Hórreo en restauración no Campoxurado
• 
  Hórreo no Campoxurado
• 
  Outro hórreo no Campoxurado
• 
  Desembocadura do río de Vilaselán no Cantábrico

Véxase tamén

Outros artigos

• Lugares de Ribadeo