Río de Vilaselán

Na Galipedia, a Wikipedia en galego.
Saltar ata a navegación Saltar á procura
RioVilaselan.jpg
Perfil altimétrico do río de Vilaselán
PaísGalicia Galicia
NacementoFontes do Lobo (Ove, Ribadeo)
Lonxitude4,45 Km
ConcaRío de Vilaselán
DesembocaduraEsteiro de Vilaselán
Hidrografía Galicia Cunca Mariña Oriental gl.png
Cunca hidrográfica das augas a mar aberto da Mariña Oriental
Desembocadura do río de Vilaselán
Desembocadura do río de Vilaselán

O río de Vilaselán é un río da provincia de Lugo. Transcorre enteiramente polo concello de Ribadeo.

Topografía[editar | editar a fonte]

O Río de Vilaselán nace nas 'Fontes do Lobo', na parroquia ribadense de Ove, pasando logo á de Vilaselán, onde desemboca.[1]

É curto, de pendente grande na parte alta, e pendente media no resto, ata a súa desembocadura, onde forma un esteiro.

Bioloxía[editar | editar a fonte]

Na súa parte alta e desembocadura atópase rodeado de eucaliptos. No resto do seu percorrido predominan os prados.

Xeoloxía[editar | editar a fonte]

Fai un corte na rasa costeira, que representa a meirande parte do seu percorrido.[2]

Medio ambiente[editar | editar a fonte]

Está abondo afectado porque nas súas fontes (as Fontes do Lobo) cóllese auga para Ribadeo, deixando só un pequeno regueiro no mellor dos casos, co que o seu caudal é mínimo na actualidade, exceptuando chuvias copiosas. Antes de percorrer 1 km pasa á beira do vertedoiro vello de Ribadeo, hoxe nominalmente pechado. Asemade, a partir do primeiro quilómetro de percorrido, recibe augas sen tratar no seu leito. Finalmente, xa case no esteiro, serve de leito para o emisario de augas de Ribadeo[3], ata que este sae a mar aberto.

Aproveitamento[editar | editar a fonte]

Non é aproveitado exceptuando aplicacións naturais propias.

Construcións[editar | editar a fonte]

No seu primeiro tramo só é atravesado por un par de camiños sen pontes, estando minimamente canalizado á beira do antigo vertedoiro[4]. Logo atravesa a estrada local Ribadeo - A Devesa entubado, (e próximo á circunvalación ribadense), atopando logo á súa beira casas, a estrada N-634, outras estradas menores e camiños, todos xa con pontes. En tramos vese canalizado, e aínda un longo tramo vai entubado baixo construcións (tras pasar pola N-634).

Notas[editar | editar a fonte]

  1. "Sixpac". sixpac.xunta.es. Consultado o 2019-01-04. 
  2. Asensio Amor, Isidoro (1975). "Morfología del frente costero en el límite galaico astur". Boletín del Instituto de Estudios Asturianos. 84-85 (29): 347–358. ISSN 0020-384X. 
  3. "El emisario de Ribadeo cobra forma". La Voz de Galicia (en castelán). 2015-06-18. Consultado o 2019-01-05. 
  4. "Del Álamo pone a Ribadeo como ejemplo de preocupación por el medio ambiente". La Voz de Galicia (en castelán). 2001-02-06. Consultado o 2019-01-05. 

Véxase tamén[editar | editar a fonte]

Outros artigos[editar | editar a fonte]