Castro das Grobas
Coordenadas: 43°33′17″N 7°02′58″O / 43.55475, -7.0494166666667
| Castro das Grobas | |
|---|---|
 Esquema do castro das Grobas á beira da insua de Vilaselán, en vermello, os foxos. | |
| Parroquia | Vilaselán |
| Concello | Ribadeo |
| Provincia | Lugo |
| Comunidade autónoma | Galicia |
| Id. catálogo | GA27051007 |
| Cronoloxía | |
| Datas de ocupación | ? |
| Data da descuberta | ? |
| Períodos de escavación | Non escavado - Realizadas catas |
| Estado actual | ? |
| Extensión estimada | aprox. 2,5 ha. |
| Véxase tamén | |
| Castros de Galicia | |
O castro das Grobas é un castro situado na parroquia de Vilaselán, no concello de Ribadeo, na provincia de Lugo. Está incluído no Inventario da Dirección Xeral do Patrimonio Cultural co número GA27051007.
Morfoloxía[editar | editar a fonte]
O castro, litoral, ten unha forma circular ben definida, cunhas dimensións máximas duns 230 m x 180 m, ocupando algo máis de dúas hectáreas e media, ó sur da insua de Vilaselán (Penedo da Ínsua). Suponse que a insua veciña ten algo que ver co castro, pois apareceron alí restos arqueolóxicos como cerámicas.
Distínguense tres foxos paralelos escavados na rocha e de anchura entre 8 e 10 m, separados por parapetos.[1] Asemade, hai indicios dun antecastro, protexido por outro foxo.
Non se aprecian destrucións nin alteracións. Na actualidade o castro forma parte dun terreo comunal creado a resultas da concentración parcelaria en Vilaselán, Ribadeo.
A datación abrangue dende a época castrexa do ferro a finais da conquista romana.
Datación[editar | editar a fonte]
Está adscrito á idade de ferro romana e atópase no lugar coñecido como O Morgullón.[2]
Galería de imaxes[editar | editar a fonte]
-
Detalle de cata escavada. -
Vista xeral dunha cata correspondendo a foxo e muro. -
Placa de Dominio Público Marítimo Terrestre na inmediación do castro.
.jpg)
Notas[editar | editar a fonte]
- ↑ Rodríguez Díaz, José María (2009). Sobre os Castros de Ribadeo. AVV O Tesón. p. 7.
- ↑ "Patrimonio. Concello de Ribadeo". ribadeo.gal. Arquivado dende o orixinal o 05 de xaneiro de 2019. Consultado o 2019-01-04.