Vilagarcía de Arousa

Vilagarcía de Arousa
Vista xeral de Vilagarcía de Arousa
Situación
Xentilicio	Vilagarcián - Arousán
Xeografía
Provincia	Provincia de Pontevedra
Comarca	Comarca do Salnés
Poboación	36743 hab.
Área	44,2 km²
Densidade	831,29 hab./km²
Entidades de poboación	12 parroquias
Capital do concello	Vilagarcía
Política (2007)
Alcalde	Dolores García Giménez (PSG-PSOE)
Concelleiros	BNG: 3 PPdeG: 7 PSdeG-PSOE: 7
Eleccións municipais en Vilagarcía de Arousa
Uso do galego (2001)
Galegofalantes	85,27%
Na rede
www.ivilagarcia.com
[ editar datos en Wikidata ]

Vilagarcía de Arousa é un concello da provincia de Pontevedra, pertencente á Comarca do Salnés. Segundo o padrón municipal, a súa poboación no ano 2007 era de 36.743 persoas, sendo a oitava cidade galega en poboación e a terceira da provincia tras Vigo e Pontevedra.

Solpor en Vilagarcía.

Vilagarcía é unha cidade nova, en contínuo crecemento, que se caracteriza pola gran concentración de servizos tanto públicos coma privados en contraste coa súa mediana poboación. Entre os principais servizos públicos dos que disfruta están un hospital comarcal do Sergas, Xulgados de Segunda Instancia, unha delegación da Axencia Tributaria, Oficinas do Ministerio de Interior (Policía), Parque comarcal de Bombeiros... No ámbito privado conta cun centro comercial, varios hipermercados, oito salas de cine, unha amplia oferta de restaurantes e hoteis, ademais dunha asociación de pequenos comerciantes do centro da cidade. Esta grande oferta de servizos débese ás peculiaridades da comarca do Salnés, que conta con moita poboación pero non con grandes núcleos urbanos. Deste xeito, unha cidade de importancia media en Galicia, chega a ser toda unha capital.

Localización

Vilagarcía de Arousa atópase na parte meridional da ría de Arousa formando unha ampla enseada. Limita ao norte con Catoira, ao leste con Caldas de Reis e ao sur con Vilanova de Arousa. O extremo norte do concello, a parroquia de Bamio, sitúase xa na confluencia do río Ulla co océano mentres que no sur destaca o Monte Lobeira cunhas boas vistas de toda a baía.

Festexos

O 22 de maio celébrase a festa de Santa Rita, na honra da italiana Rita de Casia, que ten en Vilagarcía e en toda a comarca do Salnés un grande número de devotos desde hai uns cen anos. Santa Rita é a patroa dos imposibles. Os devotos acoden ao Convento de Vista Alegre, algúns a pé desde lonxe, para facerlle unha ofrenda á santa como sinal de agradecemento.

O 16 de agosto, día de San Roque, é o día grande das festas de Vilagarcía. Ao remate da procesión do santo ten lugar todos os anos a festa da Auga en varias rúas do centro da vila, sendo un festexo que atrae a numerosos turistas de toda Galicia e mesmo de fóra dela. Esta festa naceu a finais dos anos 70 cando nunha xornada de moita calor os veciños pediron que os refrescaran con auga desde os balcóns.

En novembro, a Festa dos Cogomelos.

Personaxes de sona

• Elpidio Villaverde Rey, político (1887-1962)
• Luís Bouza-Brey Villar, político (n. 1945)
• José Rubianes Alegret Pepe Rubianes, actor e cómico (n. 1947)
• Carlos Blanco, actor (n. 1959)
• Manuel Millán Vázquez, actor (n. 1961)
• Antón Paz Blanco, regatista (n. 1976)

Galería de imaxes

Vexa o artigo principal en: Galería de imaxes de Vilagarcía de Arousa

• Noite en Vilagarcía
  Noite en Vilagarcía
• 
  Vilagarcía

• 
  Vilagarcía
• 
  Solpor en Vilagarcía

Lugares de Vilagarcía de Arousa

Para unha lista completa de todos os lugares do concello de Vilagarcía de Arousa vexa: Lugares de Vilagarcía de Arousa.

Parroquias

Ligazóns externas

• Concello de Vilagarcía de Arousa
• Escola Municipal de música
• CEIP O Piñeiriño
• Agrupación Micolóxica de Vilagarcía de Arousa "A Cantarela"

Véxase tamén

---

Este artigo sobre Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---